Eduard de Dene. Testament rhetoricael

Refereyn

De fortuneuze keerynghe in tsweerelts Rengnatien
by permutacien
schicken de zommeghe tot dominatien
den andren ieghenspoedich doende nederdaelen
⁺ diet dan nood heeft / Totten andren doet inclinatien
tot hulpe ende bystandt verzouckende gratien
boorghe tzijne / dicwils keerende ten principalen
Vriendschap / deen dandre tdoene / inde noods qualen
es godlick en duechdlick / voor meerder schaede
// maer de ghuene die vriendschap / moet schadelick betalen
Tes niet zoo zulcke wilde / dat men hem daede
Als boorghe voor een andre / blyfuen vrough en spaede
es dhuterste vriendschap/ in^* ghetrauwe Bystandt
die deen dander biedt
elck wachter hem vooren / met voorzieneghen Raede
Wie boorghe // blyft // zoorghe // styft.
ende Vriendt word vyandt
men daeghelicx ziet

Zommigh duer boorghtucht moet ligghen ghevanghen
zonder troost ontfanghen
voor ander Lieden schult in groote bedwanghen
daer interrestz Lydende / ende schaede groot
verbeydende garand / met zwaermoedich verlanghen
de principale debiteur Loopt zomtyds zyn ghanghen
de boorghe blyft zelue / dan gheel inden noodt
zoudhy ontRaecken / diemen eerst binder dueren sloot
hy moet Leeren huutTellen / daer int openbaere
(Al zoudhy zelue niet houden / om te Coopene broodt)
totter laetster myte / als oft voor zyn eeghin schult waere
die ghekist doncker laeghen / Blyncken dan int Claere
om de boorghtucht purgieren / voor alsulck vry // Quant

+ 203 v

* ‘in’: ‘i’ over ‘e’.

[p. 94]

 

doch boorghtucht vliedt

 

tes qua tydynghe / die om boorghe zyn / hoort Nieumare

30

Wie boorghe // blyft // zoorghe // styft // etc^a/

 

 

 

Franciscus petrarcha. Reyn poete Eersame

 

van hoogher fame

 

considererende / dat boorghtucht brynght onvrame

 

Ter ieghenspoedigher fortune / gheeft ons doctrine

 

⁺ Tes ghenoughelick zeght hij / en gheRustich bequame

 

ongheboeyt voor andre / Tzijne in Lichame

 

dies ontRaedt / naer tgoetdyncken gheen boorghe tzijne

 

Bezicht hu eeghindom / Leert hy tallen fine

5

heeft hu boorghtucht / doen vercoopen matrimoniale eruen

 

wachtes voort / helpt schamel vrienden huut noods pyne

 

medeeltse / goud / zeluer / wyn / eer zylieden bederuen

 

Oly graen wuenste cleedren / en troost verweruen

 

gheeft ze goeden Raedt / datse oock ghesticht ghij // plant

10

en mestroost ze niet

 

maect zoo vrienden / schuut boorghe zyn / want tot tsteruen

 

Wie boorghe blyft // zoorghe styft etc^a

 

 

 

Prinche

 

 

 

Dus Raedt. dees ornaet elegant poete voort

15

in een beRaedtzaem Accoord

 

andewaerf met hu Vriendekens / zult onghestoort

 

hemlyen / medeelich maecken in al hu goedt

 

Liefuer dan ghy voor boorghtucht / in tspreken twoordt

 

voor andre wierdt beschaedicht ghebonden ghecoordt

20

ghevanghen / en voor andre / zoo schuldenaer blycken moet

 

hebt hu zeluen eennen vriendt / ende die ionste doet

 

huut dyn tselfs vry eeghin onbedwonghen wille

 

ouergheeft hu vryheyt nyemandt / ofte vleesch ende bloedt

 

zalt hu costen / ende commen by in gheschille

25

zulck duer boorghtucht / kyct duer eennen yseren brille

 

ende machter al vertheeren / zo langhe der zy // pandt

 

dit dicwils gheschiet

 

Die boorghe blyft // zoorghe // styft

 

ende vriendt wordt vyandt

30

Men daeghelicx ziet /

+ 204 r