Eduard de Dene. Testament rhetoricael

Refereyn

Ons Leuen inder Weerelt es een kiste vul Aerbeydts
een worstelynghe vul ancxsten vul zwaerheyts
een plaetse vul dolynghen Tallen beschauwe
een duustere speloncke / met niet veel claerheyts
een gheschuerde bergh / een doornachteghe landauwe
ongheluckeghe eerde / vul verdriets en Rauwe
een Rieckende onvruchtbaer hof tallen steden
een beroerte des volcx vul alder ontrauwe
dal der traenen / ende zee der ketyfuicheden
een ghezichte des droufheyts / vul quader zeden
een vreeselicke wildernesse / es de weerelt ziet
een crancke mueghentheyt / vul alder onvreden
Daghelicx verghanck Schoon ghenoughelick niet

Een heetblaeckende busch / wuenste der wreede dieren
fonteyne der zoorghen van menegher manieren
een ydelheyt ende valssche blysschap voorwaer
steenachtich velt vul moortdadeghe duwieren

[p. 108]

 

een zoet venyn / onzaelich last om draeghen zwaer

 

verzierde boerde / onEerlicke vreese der naer

 

een gheduereghe ziecte Tot alder tydt

 

een onberaeden zekerheyt / vul bedrochs openbaer

25

een onbegheerlicke aerbeydt / elck anders verwyt

 

een zelden paeys / maer eenne eeuweghe strydt

 

die gheveynsdelick lacht / loose grynynghe biedt

 

een Laborinthof / vul haet ende Nydt

 

Daghelicx verghanck / schoon ghenoughelick niet

 

 

30

Onproffyct elicke weenynghe ydel verzuchten

 

Palaeys vul alder boose gheruchten

 

⁺ schieloose tryumphe Bedrieghende moortdadich

 

vul schoonder beloften Ten hende al cluchten

 

een eeuweghe besicheyt onghenaedich

 

een beschaemde schickynghe onghestaedich

5

aerme ouervloedicheyt / een Rycke aermoede

 

een beroerlicke schande / onproffytich beschaedich

 

een beuende cracht vul quaeden bloede

 

Tresoor meest vul van ieghenspoede

 

zondich verkies / daer lettel duechts gheschiet

10

wats de weerelt anders / dan zoo ick ghevroede

 

Daghelicx verghanck / schoon ghenoughelick niet

 

 

 

Prinche

 

 

 

De Weerelt es meest vul ghepyns

 

voor een druepel zoetheyts / een vat Azyns

15

bitter galleghe traenen / zyn de Conseruen

 

peryckel des doods / met veel samblantich schyns

 

van datmer inne comt / Beghintmer steruen

 

nyemandt en heefter verzekerde Erfuen

 

Tes al zotte Wysheyt / meest datter blycke

20

hoemer langher Leeft / machmer meer zonden verweruen

 

maer een Lydende schaeuwe / es tsweerelts Rycke

 

al watter in es / moet ten eerdschen slycke

 

de doodt esser heere / wien nyemandt ontvliedt

 

de weerelt es dies / hoe datmer naer kycke

25

Daghelicx verghanck schoon ghenoughelick Niet

+ 212 v