Eduard de Dene. Testament rhetoricael

Refereyn

Wel .an. ghy Rycke weent nv in deerdsche steden⁺
huylt vp huwe toecommende ketyfuicheden
hy Rycdommen zyn verRot in allen weghen
hu cleederen zyn vanden motten duerReden
hu goud ende zeluere es Roestich bedeghen
eer tRoest hu word tot een ghetughe gheneghen
end huutEten hu vleesch zal / als viereghe gloedt /
⁺ vpder eerden zyn nv gheen bermherteghe pleghen⁺
dies ontfaermen nv / met dyn aermen broedere doet⁺
weist verchiert / met broederlicker liefden goet⁺
vp dat de Liefde gods in hu blyfuen mach
vvant wie tgoedt deser weerelt heeft vulle vloedt⁺
en zyn behouueden broeder ziet in tgheclach
en van hem sluut zyn inwendighe leden nacht dach
hoe blyft in hem die Liefde gods gheresen
gheenssins / nv Rycke dus dan / naer Christus ghewach
Onder hu en Laet gheen Bedelaers wesen

Niet zondegher dan een ghierich menssche beseuen⁺
niet onRechtegher dan tghelt beminnen int Leuen
gheeft vroylick langhe leeft hy die ghiericheyt vliedt
hy heeftet verstroyt / en den aermen ghegheuen⁺
word van hu gheseyt / end zoo van hu gheschiet⁺
doch liefde eenne bandt des vulmaectheyts bediet
ionste gracelick es betere dan goud ghetast⁺
dies gheenssins en bedruct den behouueden Niet
om dat hy aerm es doet den aermen gheen ouerlast
die zyn broeder hulpich bystaet / es een stede vast⁺
ende die an elck anderen^* houdende zyn
ghelycke grendelen Anne die stede ghepast
dus Rycke quyt hu zeluen spaert zomtyds wyn
dyn broeders lichtlick medeelt / met een milde aenschyn
Beter es goe name / dan veel Rycdoms ghepresen

+ iacobi 5.

+ 227 v

+ Oze .4.

+ Zach .7

+ .1. petri / 3

+ 1 iohan 3.

+ Eccli 10

+ 2 corin 9

+ prouer / 28.
Psal C .ii
Collos .3.

+ prouerbi .22.

+ prouerbi / 18

* ‘h’ geschrapt vóór ‘anderen’.

[p. 133]

 

bezouct hu ghelyckenesse / maer als broeder fyn⁺

 

Onder hu En laet gheen bedelaers wesen

 

 

 

Dat hu broeder behouft / leent / zonder woucker ter noodt⁺

 

doet in tyden dyn Rycdom / hem wel voor de dood⁺

30

vvant in een huere verstroyt es / groot Rycdom / Cleene⁺

 

metten honghereghen behouueden Eit hu Brood⁺

 

Laet hu manieren blycken van vrecheden Reene⁺

 

wie twee Rocx heeft / Gheeft den gheen hebbende / deene⁺

 

ter herberghen oock elck andren ghewillich ontfaet⁺

35

hu gherechticheyt bereedt voor toordeel ghemeene⁺

 

honghert huwen vyandt / hem onghespyst niet laet⁺

 

⁺ ziet of alle dynck gheluckich met dyn broeder ghaet⁺

 

weest een bewys der gheloofueghen int woordt⁺

 

end int verkeeren der broederlicker liefden staet

 

dies inder Liefden wercken Brynght vruchten voort

5

Peynst wee die hem verghaert / dat hem niet toebehoort

 

den veel ghegheuen word vele gheheescht wy Lesen

 

dus Rycke gheeft naer hu veelheyt / ende west noch noordt⁺

 

Onder hu en laet gheen Bedelaers wesen⁺

 

 

 

Prinche

 

 

10

Als ghy Noenmael oft avendmael maect in hu daghen

 

Roupt hu vrienden ghebuers niet / Rycke noch maeghen⁺

 

vp datshu niet weder nooden / ende zoo betaelen

 

maer als ghy houd maeltydt / naer andre wilt vraeghen

 

Roupt crepele blende / aerme crancke vul quaelen

15

zalicheyt zal hu / Doet ghyt met liefden / niet faelen

 

vvant twederomme betaelen en mueghen zy

 

maer wordt betaelt wederomme ten Principaelen

 

inde verRysenesse der Rechtueerdeghen by

 

hoort dit woord vp de berghen van samaryen ghij⁺

20

vette coeyen den aermen met onRecht verstuuckende

 

ghaert schat in dhemel vercoopt hu besittynghen vry

 

want Rycdom baet niet zydie in deerde duuckende

 

hy zal hu verbidden voor tquaede mids desen⁺

25

ghy die niet hebben schynt / nochtans al dyngh ghebruuckende

 

Onder hu en laet gheen bedelaers vvesen

+ iob 5.

+ leuiti/25

+ eccli 14

+ Apo 18

+ Thobi/4

+ hebre/13

+ Luce 3.

+ 1 petri 4

+ Eccli 18

+ prouer/25.

+ 228 r

+ genesi 37

+ 1. thimo 4

+ Luce 12

+ deute/15.

+ Luce .14.

+ Amos 4

+ Eccli 29