Eduard de Dene. Testament rhetoricael

Refereyn
Der Splytemytbuersen
die zonder virtuut // Leuen

[p. 154]

ziende Lancx der nuersen
Eer zy yet huut gheuen /

Ach goetherteghe ghevaere / elck letkin truert
hu mette die es zo deerlicke gheschuert
gheeft doch een pennyngsken thuerer ghezonde
⁺ ia wanneer quamt huer / Ey theeft langhe gheduert
hu daeghen en zaeght ghy yselicker wonde
Tesser al Raeu vleesch twee palmen int Ronde
och ghevaere zaeght ghyse van ziecten hyghen
zou gheeut en ze gaept tonsent weecxken vp tsponde
niet Liefuelicx en canse in tdlyf ghecryghen
zou heeft my dicwils gheclaeght dies moest Ict zwyghen
dat huer en twat smerte onder therte hilt
Twas ioncheyt docht ick dus ghevaere ick zal Nyghen
Ghaet in hu buerse En gheeft Datie wilt

Visiteirtze gheen meestre zeght hoet gheschiet
Ba en zoud niet ghevaere / Anders waert al Niet
maer tmeester ghelt dat moet Ick biddende wesen
zou light zomtyds datmer gheen lyf an en ziet
maer Ick hope den meester die zalse ghenesen
vvant hy wordt met allen van huer ghepresen
dats teeckene van ghevoelen tsghenesens Exploot
oock zechtse fraey moedich vandse huer gheResen
met dat hy huer deerste substantie in ghoot
zalt veel costen ghevaere / ken weets vp myn dood
diueerssche iunctuerkens heeft hy open ghedrilt
of ick een Lipken ghaue / Tian ghevaerlick ghenoot
Ghaet in hu buerze En gheeft datie wilt

Tgoet datse gheluest heeft ghevaere dats wondre^*
By daeghe by nachte van bouen van Ondre
en de meester zey Twas al beschimmelt zweet
ghevaere zou wordes thien Iaer te ghezondre
waen ghevaere Tmeysken es van natueren te heet
heb icker cost en pyne mede / dats god diet weet
dies weynschicxse dicwils in tskerchofs Paelen
neen ghevaere dat ware hu ten minsten Leedt
zou zalt noch naermaels metten Lyfue inhaelen
zyt gheRust en gheeft wat om tsmeesters betaelen
de Reste zal ick vuldoen al waert eennen schilt

+ 240 r

* Oorspronkelijk ‘wonder’; ‘e’ geschrapt en huidige eind-‘e’ toegevoegd.

[p. 155]

 

⁺⁺ hoe vele ghevaere / kir hoe mueght ie dus draelen

 

Ghaet in hu buerze En gheeft dat ie wilt

 

 

 

Prinche

 

 

 

Ghevaere wat te gheuene wil ick gheerne doen

5

hu hertelick bedanckende vp dit saeysoen

 

oft anders waer ick van beleeftheden Rude

 

maer ghevaere hu buerse heeft een vry fatsoen

 

en tes noch myn bruudbuerse van als ick hude

 

wa es / wa Iaet tian / al seghict hier Lude

10

en hebse zichtent ghedreghen om datse wel stoet

 

och myn man wast dier dicwils veel lecx in dude

 

oock stoffeerdhyse met cnoppen dien goeden bloedt

 

maer ghevaere ick bids hu met grooter oetmoedt

 

vvat ghelieft hu dat ick gheue myn zinnen stilt

15

bey ghevaere bem ick scheppeghe in hu goedt

 

Ghaet in hu buerze / En gheeft Datie wilt

+ 240 v

+ Fol. 240 v, r. 18-21 onderstreept.