Eduard de Dene. Testament rhetoricael

Aucteur aduerteirt
die onCuusschelick zueghen
By tnaervolghende ghenoteirt
die schuwen Mueghen⁺⁺

O Mensschen gheschepen naer gods zuuer beilde
vvacht hu van al oncuuscheyt / duer christus name
ouerpeynst Tryumpherende in wellusts weilde
hoe zou tleuen cort / ende bederft dat lichaeme
schendt duechden / Breict de wet gods eersame⁺
verteert Rycdom / dood de ziele / beneimt mensschens cracht
cranct tghezichte / ende voor tydt onbequame
Brynght den menssche tot ouderdom / dan mesAcht /
⁺⁺ O vier van onCuusscheyt Een heet zondich vier slacht⁺
hu mondt es ghulsicheyt / de vlamme houeerdichede
de spercken // der gheCorrumpeirde woorden Iacht
de Roock een quade name Tot elcker stede
Aermoede zyn de asschenen in grooter onvrede
O ionghe^* Creathueren mannelicke^** ghezellen
vvacht^*** hu voor oncuuscheyt der verkeeren mede
huer hende / dat es die pyne der hellen

+ Prudentia carnis mors est

+ Roma .8.

+ Aristo/

+ 241 v

+ Fol. 241 v, r. 24, 25 onderstreept.

+ Bernardus

* ‘ionghe’: ‘i’ over ‘n’.

** ‘mannelicke’: ‘m’ over ‘p’.

*** Vóór ‘vvacht’ ‘wasch’ geschrapt.