Eduard de Dene. Testament rhetoricael

⁺ Refereyn

O Hooghste lief beminde Reyn heleghe schriftuere
varyncx bekent gheel der weerelt duere
huut al myr zielen crachten ick hu Beminne
der godlicker wercken ghestaedeghe figuere
memoriaelbouck vanden eersten beghinne
ghy myn troost myn toeverlaet / myn liefste vriendinne
vul schoonder beloften zo tontfane als ontfaen
toegheschict den gheloofueghen tot hueren ghewinne
dies blyft myn Liefste gheminde zonder ofghaen
och dat valssche verstanden Ieghens hu vpstaen
ende daghelicx mesbruucken / naer huer zinlicheden
och lief tes schande / en zeer onEerlick mesdaen
ghy tshelighs gheest doctrine / vul zuuer zeden
och lief vul vreden // wien dat hu therte zeere // groet
Och lief tes schande / datmen hu die onEere // doet

Och lief tes schande ia groote schande blamelick
och datmen hu handelt zo onbetamelick
hu als gemme des christenen ghelooue claer
tresoriere der godlicker secreten namelick
der Christen kercke vroom vast ghestaedich pylaer
vvet / ordonnantie / gratie / ende der naer
Regule / bewys / vpRechte Leerynghe Certeyn
naer de welcke moeten wandelen en leuen voorwaer
die hu beminnen / metter werckende liefde Reyn
Och lief dat hu zo menich sophistich vileyn
vvil handlen eeghinzinnich / die zyt puer onbevlect
vul gheestlick verstands / zuuer keest zuuer greyn

+ 247 r

[p. 166]

 

zonderlynghe de ghuene hu doctrine suspect

30

hu vleeschlick ontdect // en daer toe tallen keere / spoet

 

Och lief tes schande datmen hu die onEere // doet

 

 

 

O Lief heleghe schriftuere in myn herte gheplant

 

onverwinlick onbevlect als zuver dyamant

 

in hu beslutende toude ende nieu testament

35

vul gratien duer tshelighs gheest hooghemelsch verstandt /

 

⁺⁺ onslieden ghelaeten tonsen trooste gheel omtrent

 

in hu zyn drie goddelicke duechden bekent

 

Ghelooue / Hope / Liefde ofte Charitaete

 

alder philosophen conste hoe wys vp ghespent

5

platonicque Tulliaensche Commen te Laete

 

want meestdeel huerer / metten apocryfuen staete

 

ontEeren hu / studenten der prophane Clercgie

 

den gheest en tvleesch stryden / om singuliere baete

 

Midswelcken consequentelick volght herezie

10

O groote partie // dyns / wien ick vermeere / goet

 

Och lief tes schande datmen hu die oneere // doet

 

 

 

Princhesse

 

 

 

Zulck morosophorous Wanen wys zyn Alleene⁺

 

O helighe scriftuere wil hu stellen ghemeene

15

subiect een eerdsch ydel Geographiste

 

dyn verstandt huutlegghende vermeitlick onReene

 

tzelf onclaer verduusterende als Alchemiste

 

doch elck huwer beschermheere /es Euangeliste

 

dat der Liefden ferie / en ghetughe zyt ghij

20

van christus Liefde tonswaerts / eer wy te quiste

 

sathanytich benydt waeren / wel weten wy

 

oock dat gheboren / ghestoruen verResen es hy

 

end vpgheclommen tzynen hemelsschen vadre

 

zommeghe bevlecte secte Brynghent anders by

25

elck waent thuwer onEere zyn schande ontladre

 

maer bouen al es hy aergher dan verRadre

 

zulck blasphemich bescadre // van huwer leere // zoet

 

Och Lief tes schande / datmen hu die oneere // doet

+ 247 v

+ Fol. 247 v, r. 13 ‘morosophorous’ en nota in margine onderstreept.

+ grece