Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
[pagina 172]
| |
vvilde doode begrauen // huut Charitaten
Waerm zwaluwen dreck // viel in zyn ooghen
Blendheyts ghebreck // moest hy ghedooghen
5[regelnummer]
De ionghe thobias vry // Met dinghel Raphael
naer tstadt van meden zy // Beede wandelen wel
By tygris vloedt // Een groote visch huutghynck
Die thobias wel ghemoet // Byden wammen vynck
Thobias in duechden // heeft Sara ghetraut
10[regelnummer]
Manierlicke vruechden // heeftmer Anschaut
Thobias en Sara zaen // hebben met ghestadicheden
Ter nacht beede vpghestaen // En god dheere ghebeden
Raphael thobiam heeft // by Sara ghelaeten daer
thobias hem thandschrift gheeft // te Rages Reysder mede naer
15[regelnummer]
Daer ontfaende de sommen // van gabelo ghetelt
zyn tsaemen ghecommen // En ter bruloft ghestelt
Dat thobias langhe toufde // eer hy wederomme keerde
zynen vader hem bedroufde // en zoorghe in hem vermeerde
Thuus Es hy gheRaect // met dinghel die hem diende
20[regelnummer]
en thobias die maect // zyn vader weder ziende /
Raphael es wech ghevloghen // ter eerden vallende tdier tydt
hebben zy met knyen gheboghen // dheere god ghebenedydt
Inder hueren zynder doodt // thobias zyn zuene Riep
god te vreesen hem ghebood // der naer hy in vreden sliep
|
|