Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
Den huusman verblydt hem met gheest ende zinnen
in paeyselicke neerynghe / ten lande Binnen
in ieghenspoet vyndende troostbaerich vermaen
dat hem fortune toevloeydt / tnoodzaeckelick winnen
10[regelnummer]
ende alle zyne zaecken voorspoedich voortghaen
om proffyt ontfaen
dat ieghens hem kyfuaigen noch tvvisten vpstaen
maer elck hem eendrachtelick ieghens hem quyt
zyn kynderkens hem zynde buughsaemich onderdaen
15[regelnummer]
met een duechdelick vpwassen tot alder tydt
hier of heeft hy verblyden in zyn bevrydt
Tes claer / kend en Lydt
maer bouen veel verblydens hoe blyde ghemoet
Den huusman Certeynelick alder meest verblydt
20[regelnummer]
al hadhy anderssins in alle zyn voorNemen spoet
In een eerbaer Wyse / stercke huusvrauwe goet
Zou es hem een verblyden in druck ende Rauwe
maer wie zal ghevynden zulck een stercke vrauwe
haer prys es verre / en vanden laetsten paelen
25[regelnummer]
haer mans herte verlaet hem / vp haer ter trauwe
ende neerynghe zal hem ghebreken noch faelen
en zonder draelen
zou doet hem goet / ende gheen quaet verhaelen
zyn leuen lanck / end aerbeydt met hueren handen
30[regelnummer]
ghelyck een Coopmans schip / in tghelyckelick taelen /
Ga naar margenoot+ es zou / twelck zyn brood brynght huut verre landen
zou staet tsnachts vp / ende met goe verstanden
bin huer huusghezins Randen
gheeft zou voedsel ende spyse / om tzyne ghevoedt
5[regelnummer]
dies zegh ick dat den huusman bouen Rycke panden
| |
[pagina 177]
| |
meest verblydt wat hem anders blydelick groet
In een eerbaer Wyse stercke huusvrauwe goet
Met sterckheyt can zou huer lendenen omRynghen
huer handen huutstreckende / tot stercke dynghen
10[regelnummer]
end huer handen open doende totten aermen ziet
totter spille can zou haer vyngheren dwynghen
end en eit haer brood met Ledicheyt niet
gheen wanckelbaer Riet
gheen man wordt dies edel inder poorten gheschiet
15[regelnummer]
zou can huer zeluen maecken een Reyn verchieren
witte zyde / twelck teecken der eerbaericheyt biedt
ende purpur dats haer cleed in Liefde hanthieren
stercheyt ende verchierynghe By manieren
int huusghezins Regieren
20[regelnummer]
dats tvppercleedt van deser stercke vrauwe vroedt
dus met goeder Redenen / die gheen lueghens vieren
den huusman verblydt meest in vleesch ende bloedt
In een eerbaer Wyze stercke huusvrauwe goet
Prinche
25[regelnummer]
De zuenen van deser vrauwe fine
stonden vp / ende presense zaelich te zyne
end huer man die Loofdeze oock der naer
zou mercte naer een acker te dien termine
zou cochtse ende plantte der eennen wynbergh daer
30[regelnummer]
wyselick eerbaer
vanden vruchten / van haer eeghin handen voorwaer
en veel dochteren vergaderden thuerer vrede
veel Rycdommen tsaemen warachtelick maer
ghy ghaetse al te bouen in deerdsche stede
35[regelnummer]
ghy stercke wyse vrauwe dits warachtichede
Ga naar margenoot+ want huere zede
verwint AlleGa naar voetnoot* zwaermoedicheyt onder de voet
den huusman dies / al hadhyr cleen goeyken mede
verblydt meest / als hy tcleedt van Redenen andoet
5[regelnummer]
In een eerbaer Wyse stercke huusvrauvve goet.
|
|