Eduard de Dene. Testament rhetoricael

[p. 197]

Refereyn

Ey ey ghevaerken Eylacen my gruut
dat ick leue / Tes al quaet knye en Rebbe
waeromme ghevaere zytie niet ghehuut
kir ia ick in tsneckers name / om al dat icx hebbe
myn man nam my ghistre myn beste webbe
waer ghynck hy er me / in vreimde caboelen
dan comt hy quaet zot / of droncken ter crebbe
van zyn handelynghe heb ick hart ghevoelen /
hy maeckes my al quycte / Bancken en stoelen
ick en behoude vaeryncx hooftcleed noch Baghyne
kir ghevaere laettet goet zyn / den pap zal Coelen
wat hy dede ghevaere / al mueghdyer me loelen
Ick liet noch al goet zyn / Behild ick tmyne

Maer neen Ick / ghy en zaeght noyndt vuylder snossere
buten eist een weerelt / en thuus een Reghelaere
tes een caetsere / een schietre / een Roldre / een clossere
een myffelaere / een dronckaert / een tuusscher / een keghelaere
een vrauwe Iaghere / een vloyere Een speghelaere
diet al verquist dat ick hebbe verspaert
ick zalt noch claeghen den gheestelicken zeghelaere
en den promoteur / eer desen dach verIaert
hy zal weten / waer dat myn goedt bevaert
dat hy dus verloopt met zynder Concubyne
⁺ zo zal hy wech loopen / eist dat ghyt zoo claert
men Roucx ghevaere / al liep hij ter ghalghewaert
Ick liet noch al goet zyn / behild ick tmyne

Kir iae ghy ghevaere dus zyt verduldich
verduldich / hy es een vuyl belytre
hy es zeck vaeryncx al de weerelt schuldich
end ick moet betalen / wie werd myn scaloos quytre
vp den wyn en bierbanck zyn tydt verslytre
hy was eerghister ghepand / om schult van Renten
ken gheloofs niet / hy was by willeboords mytre
en by zyer croodse met al den Ornamenten
Achaermen hu catheylen werden goet om venten
ick zegghe hy Rumet al / Bee coffer en scryne
kir laettet goet zyn ghevaere / wilt Ruste in hu prenten
al liep hy int huterste van Occidenten
Ick liet noch al goet zyn / Behild Ick tmyne

+ 265 v

[p. 198]

 

Princhesselicke

 

 

 

Gheuaere maect gheen obstacle

 

Ieghens hem / en peynst dat ghy van nv voort an

20

gherekent werd voor een oudt tabernacle

 

en hy es wellustende // waddynghe eist dan

 

ghy hebbes wel tachtentich ick en doe nochtan

 

ghy doet / ghy lieght / bey hoe luud die snaere

 

hadie niet inde spiersche Reyse / huwen zesten man

25

En iaeick die starf daer maertelaere

 

die liet^* my veel goeds / dat was myn Caere

 

maer dees bouue brynghet al ter Ruwyne

 

ick werde bystier / ghyn werd / ick werde ghevaere

 

al liep hy met aechte truwe ofte Claere

30

Ick liet noch al goet zyn / Behild ick tmyne

* Vóór ‘liet’ ‘v’ doorgehaald.