Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
Vrau venus vleeschlicke ghepareirde pompeuse
20[regelnummer]
vanden kyndren des weerelts de Amoureuse
Lack humidieuse
duer Saturnus vanden schuum der zee ghegenereirt
mids huer zuene Cupido de Libidineuse
beschietende straelich de Luxurieuse
25[regelnummer]
vele thuerer Liefden verhit inflammeirt
de maegdelicke Reynicheyt schend en vyoleirt
die venus met Ceston huer gordelken byndt styf
huer ghebruucxsels de natuerlicke Iuecht Corrumpeirt
verleedende zo menich Iongh man dochter wyf
30[regelnummer]
huer conditien Lichtueerdich zyn schieloos Lascyf
mans begheerich baldaedich wacke substantie
| |
[pagina 231]
| |
Ga naar margenoot+Ga naar voetnoot+ gheen verkieseghe tspersoons Venus biedse al tlyf
dies maect menich ketyf
voortstellende onCuusschelicke Petulantie
anziende gheen wettelicke ordonnantie
5[regelnummer]
maer helpt vulbrynghen / zoo zou theeft inden zinne
dies mach zou wel ghenaemt zyn / naer haer vsancie
snoo contenancie
Vrau Venus der vleeschelicker liefde goddinne
die ouer al vlieght
10[regelnummer]
met een zoet venyn // onder een vriendelick schyn
Gheel de Weerelt bedrieght
Tvvee duuekens voert venus in huer Banieren
zoo de duufkens becken / gheerne zouctze tvertieren
veel lacke Camerieren
15[regelnummer]
zyn huer subiect vleeschlick volghende naer
onverzadeghe grondquelm / ghulsegher dan ghieren
als zou teenegher tryumphen / huer wil verchieren
van twee witte zwanen word ghevoert aldaer
in teecken dat zou meest verwect es / dats claer
20[regelnummer]
tot alle schoone Mannelicke personnaidgen
den boom Myrthus bemintse te ziene vruchtbaer
in huer pryeel gheplant thuerer aduantaigen
wiens Roke inflammeirt end ontsteict de Couraigen
tot alle voluptueuse delectatien
25[regelnummer]
Biblis heeft dies ghetrocken onder huere gaidgen
willich zonder oultraigen
met huer broeder thebben vleeschlicke conuersatien
Pasiphae doncuuschte van vrauwen natien
om vulbrynghen tsvleeschs ghenouchte huerGa naar voetnoot* de sluten inne
30[regelnummer]
Een ghemaecte houttin coeGa naar voetnoot** / dies blyft talder spatien
vul onReyne gratien
Vrau Venus der vleesschelicker liefde goddinne etca /
Dies Venus met hueren vleeschlicken Apetyte
heefter menich bedroghen ghebrocht ten verwyte
35[regelnummer]
den hermophrodite
mercurius maecte om huer vleeschlick behaeghen
Butes wan Erix oock thuere lusts proffyte
| |
[pagina 232]
| |
Ga naar margenoot+Ga naar voetnoot+ om huer vleeschlick gheliefuen hy hem alsoo quyte
midswelcken naermaels vele zyn commen In plaeghen
Phyllis ontzint / verhyngh haer zonder vertraeghen
Isiphile versmoorde / Dydo bleef te Brande
5[regelnummer]
Aminthas verdweinde duer tderfuen in zyn daeghen
van dyana zyn liefste lief doe binden Lande
Troylus liet inden strydt zyn manlick lyf te pande
Orpheus zochte zyn lief in dhelle diligent
Semiramis buten nathuerlicken verstande
10[regelnummer]
ontziende gheen schande
verliefde vp haer kyndt / met een vleeschlick consent
venus ende den wyn / maecken wijse verblendt
gheel berooft int verstandt word hy diese beminne
dies zo es ouer de gheheele weerelt Bekent
15[regelnummer]
en zal zyn totten hendt
Vrau Venus der vleesschelicker liefde goddinne etca.
Prinche
Veel oncuussche ghepeynsen brynght zou int ghedochte
zo wie zou inden bandt huerer liefden eens Cnochte
20[regelnummer]
noyndt Lichte ontRochte
hy wierdt hendelick tzynder schoffiericheyt ghequelt
venus was die onCuussche practycken oyndt zochte
die eerst int eylandt van Cypers inbrochte
dat de maegden metten Lichame daer wonnen ghelt
25[regelnummer]
de indoysen onEerlick openbaer int velt
hebben metten mannen onCuusschelick verkeert
die van Trachyen ymaginatienGa naar voetnoot* voortstelt
end in onCuuscheyt veel Leelicheden gheleert
de Agathyrsen in Lasciuien oock vermeert
30[regelnummer]
de Araboysen thanthierene ghemeene vrauwen
dat ondre andre mensschen natuere wordt ontEert
duer gheCorrumpeirde minne Cant venus brauwen
hueren brandt es ontsteken in alle Landauwen
elck zouctse te clokeren onder den kinne
35[regelnummer]
gheestlick weerlick oud ionck / eer tmach beRauwen
Ga naar margenoot+ yeghelick wachtes hem wiltse niet betrauwen
Vrau Venus der vleesschelicker liefde goddinne
die ouer al vlieght
| |
[pagina 233]
| |
met een zoet venyn // onder een vriendelick schyn
5[regelnummer]
Gheel de weerelt Bedrieght /
|
|