Eduard de Dene. Testament rhetoricael

⁺⁺ Gheestlicke amoureuse an allen canten
in Christo Bemint
Zalmen den naerghenoomde mey plantten
gheestelick ghezint
Refereyn⁺

Verhuecht hu // ter duecht nv // in contemplatien
nv in dit vruchtbaerich saeysoen van gratien
duer den heere iesum chtistum ghebenedydt
den wynter es gheleden Te deser spatien
vul stranghe habitacien
ons blomkens zyn voortcommen ouer al de weerelt vvydt
Bermherticheden des heeren Bloeyen tdeser tydt
als een zomer vul Lieflicke Roken zeere
de vueghelkens des hemels die zynghen verblydt
end alle dat aeszeme heeft looft den heere
dus gheminde in christo / ick thuwaerts keere
hu Ionnende met een gheestelick verstandt
voor eenen mey groot
Den boom van tcruce christi int herte gheplant
verchiert met vyfwondeghe Roosen Roodt /

Met penseen en vyoletten van Roken zoet^*
Bid ick dat ghyr die an plantten moet
dats om desen mey peynsen nacht en dach zult ghy
wat vrucht ons daer an ghegroeyt es goet
Christus duerwondt bebloedt
een verlosser voor vele zo wel hu als my
een vrucht / verzoende dat al hadden mesdaen wy
als een blomme int velt an tcrucen hout verheuen
bloeyende vul zoeter Roken zynen vader was hy
als een offrande zoo voor onslieden bleuen
dusdaneghen mey ion Ick hu ghegheuen
end omme die ontfaen zuvert an elcken cant
dyn houeken ter noodt
den boom van tcruce christi int herte plant
verchiert met vyfwondeghe Roosen Roodt /

+ 305 r

+ Fol. 305 r, nota in margine onderstreept.

+ A^o .1559.

* ‘zoet’: ‘z’ over ‘g’.

[p. 270]

 

⁺⁺ Met vyfwondeghe Roosen Roodt int verchieren

 

zoetgueregher in Roken dan vyolieren

 

ofte Rieckende blomkens huuter eerden groeyende

 

Cypres thymon balseme Lauwerieren

5

Iuegdeghe Egglentieren

 

hoe medicinael / hem in Roken moeyende

 

den dau van gratien die esse bespoeyende

 

de zonne der Rechtueerdicheyt esse Beschijnende

 

maer tcruce christi / es zoetghuerichst bloeyende

10

als florerende olyfboom niet verdwynende

 

desen mey om plantten zyt oetmoedich Pynende

 

die ontfaende godsvruchtelick met Reynder handt

 

zonder wederstoot

 

den Boom van tcruce christi in therte plant

15

verchiert met vyfwondeghe Roosen Roodt

 

 

 

Gheestlicke

 

 

 

Princesse ontfanct met Reuerentien

 

desen mey in hu camerken van conscientien

 

ende zomtyds bespoeyt met hertRauweghe traenen

20

ondervought hu Buugsamich met Obedientien^*

 

tot stichtende intencien

 

huut Liefzaeme charitate doe hu dit vermaenen

 

ydel plantynghe wilt huut dyn houeken Plaenen

 

vviltter zaet van duechdlicker Roken in zaeyen

25

zo zult ghy vast zekerlick zonder waenen

 

thuwer zielen vercierynghe / goe vruchten maeyen

 

verblydt inder Crucen mey / met een gheestlick verfraeyen

 

Contempleirt daer in omRynght / metter liefden Bandt

 

tot inde doodt

30

den mey van tcruce christi in therte plant

 

verchiert met vyfwondeghe Roosen Roodt

+ 305 v

+ Fol. 305 v, r. 32-35 onderstreept.

* Vóór ‘Obedientien’ is ‘Reuerentien’ doorgehaald.