Eduard de Dene. Testament rhetoricael

[p. 277]

Refereyn van den Cortsen

Tfy hu schieloose cortsen der ghulseghen Roede
duernypende myn adren / hoe comt ghy my deeren
huwen oorspronck / comt huut eenen quaeden bloede
de Rassche te beene / maect ghy vluchs moede
hu hygaeten int hooft / doet vloucken en zweeren /
⁺ wat ieghens natuere zy wilt ghy doen theeren
huut end in Clappeye / die huut een vuylen crop spruut
vervultheyt van maeghen / ende noch meer begheeren
dit zyn hu Rechte zibbezacx gheseyt ouerluudt
ghy zyt een quaede beeste / want myns leuens iuut
duerRydt ghy snooBrandeghe slymeghe vinne
tschynt oftmer ghebraen eyers in myn maeghe fruut
zo hanthiert ghy my menichwaerf thuwen beghinne
zomtyds / zendt ghy my in / de beuende Minne
dan zonder coorde touter Ick / dach ende nacht
nietmin / Niet gheachte dan voor een zottinne
DuerRydt vry den trypzack / maer therte doch wacht

Als een onvoorzieneghe stranghe verRaedeghe
zo zyt ghy my dapperlick gheCommen vp tlyf
der huepscher cost doet ghy walghen versmaedeghe
bottecakeghe zwelte / Twaer om hu beclyf
ghy doet meest begheeren Tzy man ofte wyf
zwabbelynghe smaeckende naer zout noch smout
tot boomsnaetsynghe al waert der zwynen verblyf
hier toe brynght ghy huwe cortseghe verweecte stout
en begheeren zulck tpoyen van tIuegdeghe mout
oock wyn / zoot zulck by potten glaeskens huutbliesen
ghy doetser of vervreimden / ghy laf in ziecten oudt
Ia my daet ghy wey voor bruschkeytien kiesen
tscheen oft ghy my noch wildet inden ougst vervriesen
zoo ghy my hebt Clippertandich vercracht
al croopt ghy inden eersdaerm / om gheen plaetse verliesen
DuerRydt vry den trypzack / maer therte doch wacht

Een onbeschaemde Lurpe zyt ende Rabrakeghe
vanden ghaende leden / oock tstaende let naer dien
der onghetempertheyt een tsaemen Raeckeghe
Broeder dierycx ingien een slutse slaeckeghe
dies zyn Fraterkens hanghen / Beneden zyn knyen

+ 309 v

[p. 278]

 

⁺ tfy zieckzuchteghe lerwe / met hu Acxpartyen

 

in beschimmelt zvveet / doet ghy de leuer verzyncken

 

vveycaes Laffen Bru / blaeuwe pottagerien

 

die wilt ghy meest tmynen banckette schyncken

5

wech spys es huwen weynsch / huwen Roup comt dryncken

 

tzy grusen bier cisteerne / ghy wordter me tevreden

 

end om een goet morseel / doet ghy niet eens dyncken

 

dan begheeren alderhande Aelwaericheden

 

zommich wilt ghy doen dryncken van buter steden

10

claer bekewaeter ende zom huut eender gracht

 

maer cortsen al quelt ghy my in alle myn leden

 

DuerRydt vry den trypzack / maer therte doch wacht

 

 

 

Princesse

 

 

 

Van hooftzweere ende tantzweere fel

15

Cortsen zyt ghy Contagieuse beeste

 

vvie ouer hu claeght / met een beuende vel

 

men achtes niet / zulck houdet voor kynder spel

 

cortsen zuveren wel / ende doen groeyen snel

 

zulcken troost gheuen my de ghezonde van gheeste

20

maer of ick in mynder bonnetten Leeste

 

zweerynghe lyde / Raescoppich bezwaer

 

zal my nyemandt claeghen oock / minste noch meeste

 

tiansoy zo zwygh ick dan huut causen eerbaer

 

maer oft my dan de tantzweere quelt voorwaer

25

es dat oock gheen pyne / spreict by ghevoelynghe

 

Neent / zegghen de zulcke / eens de weke al tIaer

 

tandzweere / dats maer een Caeckenspoelynghe

 

een wyndeghe huutwoelynghe

 

de cortsen schijnt Dats maer een leuervercoelynghe

30

die veel end ander ziecten huut tlyf versmacht

 

tian cortsen end alsoo zy / ziet zonder Loelynghe

 

zoo ghezondt gheAcht

 

DuerRydt vry den trypzack / maer therte doch wacht /

+ 310 r