Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn.15[regelnummer]
Wie zal myne. Mondt een bewaerynghe gheuen
ende vp myne lippen in dit broosch leuen
een vaste zeker zeghele / doen verweruen
vp dat ick niet vallende worde Beseuen
ende myn tonghe my zoo zoude Bederfuen
20[regelnummer]
// heere ghy als Conyngh der hemelsscher Erfuen
stelt doch een bewaerynghe mynen monde
Twordt my tmedicinaelste Voor alle conseruen
ende stelt mynder Lippen Een duere int Ronde
want wie veel woorden besicht / als diepe ghewonde
25[regelnummer]
zal hy zyn ziele quetsen als de verwoedste
waer veel woorden zyn zal ghebreken gheen zonde
wie zyn Lippen wel Regiert / es dalder vroedste
de doodt / en tsmensschens leuen zyn alder zoetste
staet inder tonghen handt / tot Ruste of veel sneuens
30[regelnummer]
dies zoo de wyseman tuught de ghemoedste
Een Vreidzame tonghe / Es een boom des Leuens /
Ga naar margenoot+ Alle natueren van beesten Vueglen serpenten
worden ghetemt / van mensschen / iae dGa naar voetnoot* Elementen
elck huerer /onderdaenich den menssche bystaet
maer gheen mensschen tzy buten of binnen Conventen
5[regelnummer]
Connen themmen die tonghe onRustelick quaet
een oorblaeser ende der dobbel tonghen Raedt
huerer loon es thebbene vermalendydhede
want zou heefter met huer gheveynst zaeyende zaet
verstoort vele / die waeren hebbende Vrede
10[regelnummer]
zaelich es hy dan die in de eerdsche stede
| |
[pagina 14]
| |
van een schalcke tonghe / Bedect can blycken
vvie zyn mondt bewaert / bewaert zyn ziele mede
een die zwyght / en wel ghezinde / zal eere strycken
vvie eerdsch es / spreict gheerne van eerdsche wycken
15[regelnummer]
ontstichtende die hem zyn zittende nevens
maer in alle Landauwen ende ConyncRycken
Een Vreidzame tonghe / Es een boom des leuens
Hoort paulus des apostels schoon declaratien
Laet al huwe woorden wesen in gratien
20[regelnummer]
en met zoute ghemynghelt Waer dat het zy
vp dat ghy mueght smaecken tot elcker spatien
hoe een yeghelyck zult moeten andwoorden ghy
gheene quaede woorden Laet ghaen huut dy
Alle bitterheyt ende grammelick pleghen
25[regelnummer]
alle onweerdicheyt ende hooghRoupens vry
en blasphemye laet zyn van hu verzweghen
maer wilt ghy bewandlen Rechtueerdeghe weghen
vvilt tot elck anderen Vriendelick wesen
elck andren vergheuende gheerne gheneghen
30[regelnummer]
ghelyckerwys oock god heeft hulieden ghenesen
en duer Christum hu vergheuen heeft / Bouen desen
vergheeft / end hu zal gheworden vergheuens
en dynct hoe datmen schriftuere mach ouerlesen
Een Vreidzame tonghe / Es een boom des Leuens
Ga naar margenoot+ Prinche
Wie schatten vergadert met lueghenen tonghenGa naar margenoot+
es ydel zonder herte / Dies zal worden ghesteken
tot die strecken des doods benaut bedwonghen
5[regelnummer]
end hem zullen ouercommen diueerssche ghebreken
een die zynen gheest niet can houden Int spreken
es ghelyck een opene stadt zonder mueren
Laet murmurerynghe gheheel Bezweken
spaert hu tonghe van achterclap Tallen hueren
10[regelnummer]
vvant Rekenynghe zalder moeten ghebueren
van elcx ydel woordt vp des oordeels dach
niet van een doncker Reden of des ghepeyns Cueren
Alsdanne te vergheifs niet gheghaen en mach
dus wat menssche wie om leuene zouct beIach
15[regelnummer]
en bemindt goede daeghen tanschauwene ziet
verbiede zyn tonghe van tquaede ghewach
noch dat gheen bedroch / zyn lippen spreken niet
vought hu met achterclappers negheenssins yet
| |
[pagina 15]
| |
haer ongheual zal Lichtlick vpstaen met veel beuens
20[regelnummer]
maer hoortse die doen in tspreken oorboirlick bediet
Een Vreidzame tonghe / es een boom des Leuens
|
|