Eduard de Dene. Testament rhetoricael

[p. 35]

Ander gheschiedenessen binder zelfster weken
ion ick den Fransman in zyn mauwe steken /

Corts daer naer by dholanders zeelanders in zee
huutschietende ter weere veel frissche // Clooten
franssoysen huut om visschen met huerlieder gheRee
waeren huerer ghevanghen / wel hondert vissche Booten

En zoo ick van een zeemaet verstondt int betrau
voor waerachtich / dies wy hier preuue // spaeren
dats huut waeren om vanghen nieuwen Cabeliau
zoose iaerlicx costuumlick naer terre neuue // vaeren

De vvelcke naer tzouttent tusschen paesschen en syncxen
wel verzepen gheCooct in tdinne bueter zop
men in vlaenderen smeert Byden edelen Rynsschen
welcker tueghe / de graetten spoelt huten Crop

Ick hebbese oock weten de zommeghe Brassende
met een pierchelleken van groenen Aerde
met een bieseloocxken / alst zoo es Passende
oft oock wel huutghepuert / metten mostaerde /