Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
Naer tsteruen wy gheworden alder woormen spysen
zullen oock al tsaemen metten dooden verRysen
end int oordeel voor Christus Rechterstoel dan staen /
Ga naar margenoot+ een yeghelick Rekenynghe daer moeten bewysen
en naer zulck werckende leuen zulck loon ontfaen
dit behooren zy ghedyncken / Eer trompet zal slaen
Staet vp ghy dooden comt Comt ten oordeele daer
5[regelnummer]
Eerst de ghuene die ons behoortsten doen vermaen
end alle gheslachten der mensschen voorts der naer
| |
[pagina 48]
| |
die als antechristianen wandlen openbaer
zy die christus wet breken / inzetten nieu ghebod
zy die andre verlaeden met groote packen zwaer
10[regelnummer]
als meschverckens maeckende van hueren buuck huer god
broosch slymzondich wroetende int babylonssche Cot
eeghin baetzouckers / willende Liefde vermyncken
maer wat esser of / eylaes elck in zonden verRot
Eylaes vp tverRysen / voorwaer zy niet en dyncken
15[regelnummer]
Vp tverRysen eylaes niet en dyncken zy Certeyn
zy de ghuene zoo voortsteppende int eerdsche pleyn
Adamiten vruchtpluckers / naer huer eeghin zinnen
zy die met bloedeghe handen ende voeten onReyn
met Symonie / Woucker tghemacklick leuen winnen
20[regelnummer]
zy die den mensschen meer vreesen dan god beminnen
oyndt gheerne vpden vleeschpot van egypten brasten
zy die stoutlick tarden gods thempele Binnen
met belazerde handen thelighe Antasten
zy Sardanapaliteghe verwyfde gasten
25[regelnummer]
heliodorus disciplen tempel Roofghierich
zy die weduwen weesen verdrucken verlasten
naer huer eeghin goetdyncken / hem zeluen Regierich
zy de ghuene Asmodeo volghende vierich
bevleckende natuere / als bucken die styncken
30[regelnummer]
zy ende dier ghelycke Leuende onManierich
Eylaes vp tverRysen / voorwaer zy niet en dyncken
Zy als ghevoede caluers van Samaryen vet
wiens ooren verstopt zyn voor des oordeels trompet
als verdoolt gheel int verstandt / en vernuft inden gheest
Ga naar margenoot+ die hem zeluen ordonneren een vry eeghin wet
offer gheen god en waere leuende onbeVreest
zy die afgodisten naervolghen alder meest
om tcouverlick slampampen gods woordt onachtzaem zyn
5[regelnummer]
dwelck donnoosel word ontTrocken ontpluct ontTeest
Tongodlick brood etende onder tduechdelick schijn
zy die tusschen broeders stroyen tweedrachts Venyn
zy die liefde tonderhouden ende Charitate
de waerheyt loochenen om lecker beten en wyn
10[regelnummer]
als dolende sterren zouckende eeghin baete
zy alle eerghiereghe om commen tot staete
daer zy als eerdsche goden gheerne zouden blyncken
zonder achterdyncken / hier in dolende Laete
Eylaes Vp tverRysen voorwaer zy niet en dyncken
15[regelnummer]
Prinche
| |
[pagina 49]
| |
Zy alle Epicurieneghe vermeters
schossers brossers onverzadeghe drynckers eters
daer in stellende meest / schijnt huerlieder betrauwen
als SaduceenGa naar voetnoot* der verRysenesse vergheters
20[regelnummer]
eylaes tzal de zulcke ducht ick naermaels Rauwen
als zy god almachtich als iuge zullen schauwen
en me verRysende moeten Compareren zy
daer een yeghelicx excuse zal moeten flauwen
Ieghens duust woorden / niet een mueghen andwoorden wy
25[regelnummer]
tbouck onser conscientien zalder wesen by
daer al ons Regiment wordt openbaer ghescreuen
doch hebt ghy dies gheen achterdyncken / de ghuene ghy
die hier zo ongodlick end onMensschelick leuen
eylaes elck blyft verhart / al es tzweerd vpgheheuen
30[regelnummer]
als inder tyd Noe / alle vvellust indryncken
huut causen en dat alle dees voornoomde sneuen
voor gheen plaeghen beuen
hebbende alle vreese huutghewreuen
Eylaes Vp tverRysen Voorwaer zy niet en dyncken /
|