Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
Argumentich proces
| |
[pagina 62]
| |
nochtans moet ick hu de waerheyt verclaeren
schriftuere vermaent / zynt leecke of clercken
wyn veel ghedroncken doet gramschap wercken
10[regelnummer]
en dronckaerts leuen zelden Langhe Iaeren
Brooddroncke zot laet hu ghulsicheyt vaeren
dronckaerts connen gheen wysheyt vulbrynghen
die soberlick Leift / doet wyslick zyn dynghen
Dronckaert
15[regelnummer]
Huvve wyshede / die comt huut soberhede
zyn schalcke vonden ende nieuwichede
ende singuliere Loose practycke
daer ghy binnen des weerelts stede
iammerlicke quelt donnoosele mede
20[regelnummer]
zy blyfuen tondere ende ghy word Rycke
// maer ick die meest naer de Canne kycke
myn ghepeynsen zyn daghelicx dat ick hyghe
hoe ick wyn ende bier huten vaete Cryghe
Soberheyt
25[regelnummer]
Ende als ghy tlyf hebt vul ghepoyt
ghy potten cannen glaesen om verre ghoyt
dan wilt ghy Potsmartelen ende Campen
zomtyds vierich / naer venus tempele schoyt
maeckende hu zeluen tachter ende BeRoyt
30[regelnummer]
mids hu dryncken ende lecker slampampen
hu groetenessen zyn meestdeel euelen en Rampen
Redene mach gheenssins dan by hu wuenen
Zwatelpot en bottecroes Zyn bee hu zuenen
Dronckaert
Maer al hebt ghij eennen ghetemperden gheest
in tbouck der zuerynghen studeert ghy meest
ketsende dravende omme tvolck bedrieghen
5[regelnummer]
ghy soberheyt beschoeyt der ghiericheyts Leest
om scrapen ende Raepen / maect ghy tempeest
al eitGa naar voetnoot* ghy lettel slacht dhonghereghe vlieghen
maer ick daghelicx zat / ken wil niet lieghen
met gaepen ende ghieten es meest myn gheneeren
10[regelnummer]
Want bachus kyndren / mueghen gheen nat ontbeeren
Soberheyt
| |
[pagina 63]
| |
Te Rechte heeft Seneca gheleert onderwesen
scryfuende Lucilio een propoost ghepresen
hoe dronckenschap es ghewilleghe Raserye
15[regelnummer]
veel quaets by hoopen / zoo men mach lesen
es huut dronckenschap oyndt gheResen
ontschamelheyt ghekyf haet en partie
voortbrynghende alle snoo Bouverie
elck pryst nv ghulsicheyt ionck end oudt
20[regelnummer]
Liefde tot soberheyt / es gheel vercoud
Dronckaert
Zelue zyt ghy voesterghe van allen quaede
meest doende huwen euen naesten schaede
alle valssche treken ymaginerende
25[regelnummer]
met voorzieneghe loosheyt ghaet ghy te Raede
nacht ende dach vrouch ende spaede
als ick inder taveernen bem Mariolerende
goe vruecht ende vroylicheyt ordonnerende
end al ghae ick soberlick inde Cleeren
30[regelnummer]
dassyse / en den tapper / houd ick in eeren
Soberheyt
Dronckaert ghy zyt maer een zondeghen zack
daer Redene noyndt noch verstandt in stack
baldadicheyt ende onbesuuste gheruchten
Ga naar margenoot+ Eeckeplancken dicke duerzittende vlack
logierende zoorgheloos onder hu dack
een dorre boom Rechts zonder vruchten
gheen eere cauelen dan tkeelgat verluchten
5[regelnummer]
hu drynckende eerssenloos ende versmacht
dat ghy dan vriendt noch vyandt wacht
Dronckaert
Soberheyt An hu mach nyemandt winnen
die sober zyn hebben meest vrecke zinnen
10[regelnummer]
peynsende meer quaets dan zeuen schemynckels
partye van weerden ende fraeye weerdinnen
subtyle verRaedschap doet ghy beghinnen
heymelick voortsteppende vp loose schynckels
maer Ick die bezoucke meest bachus wynckels
| |
[pagina 64]
| |
15[regelnummer]
dryncke thooft vul / tdoet wel slaepen Iaet
ende die wel slaept / en doet gheen quaet
Soberheyt
Als ghy versmacht droncke dan hebt ghetueght
als een meschvercken light ghy en zueght
20[regelnummer]
zonder Redene ofte eenich verstandt
voor tydt vermoordende tsleuens iuecht
als ghy meer verdroncken hebt / dan tbetalen vermueght
hu ghelooue ghescreuen wordt anden wandt
schichten schiet ghy huut an elcken Cant
25[regelnummer]
walghelick vlieghende By groote brocken
die de zwynen ende Beesten vpslocken
Dronckaert
Als ghy soberheyt thooft hebt ydel ghevast
watmen hu doet / hu altyds mespast
30[regelnummer]
teerssenbecken verwart staet te zulcken tyden
bullen briefuen visiteirt ghy tot anders Last
thooft vul processen die vp elcken bast
wordt ghy ghenaemt in tsvolcx vermalendyden
Ga naar margenoot+Ga naar voetnoot+ huut hu En comt doch gheen verblyden
als ick vpden bierbanck Bem fraey ghezeten
Peynst ghy hoe ghy zult tschamel volcxken eten
Soberheyt
5[regelnummer]
Ghy zyt Rechts een driebuuckich vat
Altyds durstich ende nemmermeer zat
Bachus ende Cereuisialis onderzaeten
den buuck drynct ghy dicke maer tbuerseken plat
Leuer longher en daermen twordt al een gat
10[regelnummer]
zo drynct ghy hu te barsten zonder Aflaeten
als tsvyands mommers suckelt dan achter straeten
bewynt bebiert droncker dan een snippe
hu bancket houdende dan in een grippe
Dronckaert
15[regelnummer]
Dyonisius syracusanus machtich
als hy met plato was worden tweedrachtich
Anveerde dronckenscap voor Philosophie
marcus antonius / was die niet Crachtich
een dronckaert vernaemt / bouen ander warachtich
| |
[pagina 65]
| |
20[regelnummer]
een hooft / een prinche / Een speghel onser partie
een bouck maect hy van tsdronckaerts melodie
wech soberheyt Tkeelgat beghint my te iueckene
Rasch schoy ick naer Bona dies Cueckene
Soberheyt
25[regelnummer]
ADieu besmatert dronckaert end ick verhuse
naer abstinentie myn oude Cluse
hu ydel clap staet my niet langher An
hu keelgat gaept als een watersluse
de voorghuele es Rechts een CoorneMuse
30[regelnummer]
die elck van beeden niet verzaet wesen Can
Een dronckaert es / daer me scheed icker van
tsvyands instrument / clouck ende Coene
Omme zyns onwetens / alle quaet te doene /
|
|