Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
[pagina 68]
| |
Ga naar margenoot+ Refereyn
Lammin slutsen toors zuene gheboren van Cocxie
weent traenen met tuten/ Duer groote fantazie
dat hem zyn wyfueken meest daeghelicx verwyt
5[regelnummer]
dat hy droncker dan een snippe drynct / dies groote partie
es zou themwaerts draeghende / ende hem Benydt
dat ghebreck meshaeght huer meest / teeuwegher tydt
ende zou verwytet hem / daert veel volcx hoort
droncke snosse verslinnende myns wynckels proffyt
10[regelnummer]
ghulpende tulpende beestelick versmoort
droncke teneur meest zynghende discoort
Liefuer laeg ick by eennen zwyne gheplaeght
dit verwytshem met handen ghewronghen verstoort
want dit ghebreck meest der vrauwe meshaeght
15[regelnummer]
Droncke man droncke dynck daer gheen vrauwe naer vraeght
Tsmans droncke dryncken / es een meshaghende ghebreck
dies de vrauwe doetter of huer voorBespreck
eerst ende laetst / wat de man mach hanthieren
zou verwyttet hem end houtter me hueren gheck
20[regelnummer]
vvant een dronckman Can gheen nuchter vrauwe festieren
een droncke man loopt zomtyds dan elders Logieren
huutzichtende zyn blomme / thuus brynghende tgruus
en daeden die meshaeghende droncke Manieren
besoorghen zoudhyt Liefuer zyn wyfueken thuus
25[regelnummer]
de vrauwe principalick dan duer dit abuus
verwyttet den man ende ouer hem Claeght
vvant het huer meshaeght / meest blyfuende confuus
ende huer conscientie inwendich Cnaeght
droncke man droncke dynck daer gheen vrauwe naer vraeght /
30[regelnummer]
Een dronckaert es verzworen van allen vrauwen
oud leder en can hy noch Iongh leder tauwen
vvant heeft gheen vaste standt ouer hende
zyn bollement suselt zyn leden verflauwen
dies word hy huutghemonstert met slutsaerts bende
35[regelnummer]
ende de ghebreken van een dronckaerts Legende
Ga naar margenoot+ bescreue men niet in veel handen papiers
ende wat vrauwe eennen dronckaert voorkende
zou hadder of meshaeghen zoo zynde vul biers
een dronckaert es een casse Vulderhande dangiers
5[regelnummer]
die tgheender amoureusheyt Rechte ionste draeght
onbeclokert zassaem met veel onbesuustich ghetiers
| |
[pagina 69]
| |
daer de vrauwe pruetselick of es versaeght
droncke man droncke dynck daer gheen vrauwe naer vraeght /
Prinche
10[regelnummer]
Een Dronckaert. die hem daghelicx droncke tueght
als een meschvercken hy puffende blaesende Zueght
Roupende tierende eueldaedich versmacht
inde zake slack die gheenssins ter tycke dueght
om als grondenaer vercheynsen vrau Venus pacht
15[regelnummer]
een dronckaert es een Afgod gheel zonder cracht
die in Venus thempele niet offeren Can
Tes een groot mans ghebreck Vanden vrauwen mesacht
vvant een dronckaert vp tghetauwe Cander vp noch AnGa naar voetnoot*
sluts in tweuen es hy / ende cranck in tvoorghespan
20[regelnummer]
prinche tzoud hu blycken indien ghyt zaeght
die niet en schynt zulck een ghebreckelick man
maect dat ghy inder vrauwen dienst niet vertraeght
Droncke man droncke dynck daer gheen Vrauwe naer vraeght
|
|