Eduard de Dene. Testament rhetoricael

Refereyn

Staes monckefroy met schoelie vrau Ruumscuetels paidge
slock pensse ende Droncke oliuierken
dese maecten int brassen ende etynghe Raidge
ter bruloft van leckemytens cameRierken
deen Ruumder een plattheel dander een sauchierken
ande beste morseelen wildense hem pooghen
ende die beghotense met een alf Bierken
om datse inde maeghe niet zouden verdrooghen
Corre wilde dit quaelicke ghedooghen
end heeft hemlieden in dhoore gheBeten
tast hebbelick toe vvilt schaemtte tooghen
tian zeyden zy alsser wat Lecx staet voor ooghen
Een lecker beetien / es vullicx gheten /

⁺ Tslampamperken met zyn driehoucte stiltien
Dat helt tsbruuds tafle zyn vroylick Labaey
en knuvelder wackerlick van een ziltien
zoo vercoelende / zyns leckers keelgats laey
ende daer naer speeldet met eennen zwaey
den pryckere van eennen Cappoene binnen
Corre die zach dit / dies zeydshem fraey
hoe? zullen wy niet een beetien ghewinnen
hoe zeyde tslampamperken Rust doch hu zinnen
ghy weit doch wel iae wilt ghyt weten
dat / tzy van steedsche zotten of landsche zottinnen
end oock van alle die Caerden en spinnen
Een lecker beetien / es vullicx gheten

Mueghal met zynder peersscher troengne
pueselende van als hy zyn maegsken vulde
meest wandeldhy an een ghebraeden loengne
te wylent de muselaer speilman Rulde
tslampamperken oock wel ter deghe smulde
en pluysterde an een ghebraeden Cuentien
de ghebraeden vellekens ende zulck verghulde
ghaf hy bederft me dit zyn oudste zuentien
dit loeroogde ouerdweers een pluentIen
dat neffens tsbruuds blootvrauwen was ghezeten
en tzeyde deelt ons mede / kyct welck een duentien

+ 356 r

[p. 74]

25

tslampamperken sprack naer zyn oude ghewuentIen

 

Een lecker beetien Es vullicx gheten

 

 

 

Prinche

 

 

 

Int Afdienen van tsbruuds tafele

 

Een zeer cleen mandeken begreep touerschot

30

de dienaers vonder in een drooghe wafele

 

maer zy ghauense den schyncker voor zyn beschot

 

de bottelgier en was int bezoucken niet bot

 

offer gheen lecker beetIens en waeren in mandekens

 

hy keerde duerNueselde en zochte allevot

35

dat hy tsbruuds pryckmorseel vaette met zyn handekens

 

⁺ De binnen dienaers vul veel verstandekens

 

hadhen by tpryckmorseel huut dhanden ghesmeten

 

och zeydhy ghestolen brocxkens tusschen de tandekens

 

die smaecken zeer wel / end in alle Landekens

5

Een lecker beetien / Es vullicx gheten

+ 356 v