Eduard de Dene. Testament rhetoricael

[p. 79]

Refereyn
Zulck dronckaert clynckende Bachus Belleken
Doet vanden vraukens gheerne een Relleken /

Een Vprecht man Wiens zaecke niet qualick staet
die mach een vrauwe blydelick behaeghen
een man daer de vrauwe goet payment of ontfaet
en goet onderstandt doet int middelbaer claeghen
een man die niet gheerne van huus zou draeghen
datmen thuus wel besicht tot alder stondt
een blyde man zonder drouftroosteghe plaeghen
Clouck werckman vpder amoureusheden grondt /
⁺ aldusdanich een vulmaect man int lyf ghezondt
mach een vrauwe wel verblyden dats claer en waer
eenne man ter tycke goet zeeus goet Rondt
en inder vrauwen taswerck zynde een vreimt haer
hier me verblydmen al een vrauwe / dat ken ick maer
meest machmense verblyden / om druck te bedwynghene
Met inde middelmaete wel thuus te Brynghene

Tcloucboerdelick Rellen van Inghaende zaecken
een vrauwe verweet tot verblyden Voort
van eennen man huepsch en calaensch ter spraecken
iae en van wien zou gheerne zeer dicwils hoort
eenne man ghetrauwe zynde in werck ende woordt
een schoone man / een gente man / een smul van een man
een man die de voorme zoo can houden Accoord
dat hy knechtkens met ghecrueckelt haerken maken Can
een Ruters man / ende noyndt inder vrauwen Ban
een man fraey gheschoeyt vpder steentarders leest
een Liefuin en gheen slutsin int voorghespan
dusdaneghe verblyden al der vrauwen gheest
maer een vrauwe dynct my machmen verblyden meest
al pynder om yemandt huut tvel te sprynghene
Met inde middelmaete wel thuus te brynghene

Dat een man Eene vrauwe amoureuselick pryst
als moncke schoone prosse Myn Care myn Minne
tzyn causen dat in huer verblydynghe Ryst
datse stept auantgaerdich als een Leeuwinne

+ 359 v

[p. 80]

 

en dat zulck een man van huer gheen floers en spinne

 

noch datse frisch ghecleedt ghaet doet gheen quellaigen

 

maer dat hy zelue verblydt met herte met zinne

30

in haer nieuwe ghefatsoende habituaidgen

 

de Cuecken wel voorziende voor ander passaigen

 

van vleessche van smoutte ende van goet Nat

 

twelthuusbrynghen verblydt der vrauwen Couraidgen

 

in huer blende schuetel hebben zy gheerne wat /

 

⁺⁺ vvant huerlyen hertken es begheerlick / dies dynct my dat /

 

men vraukens meest verblydt / zonder veel te dynghene

 

Met inde middel maete wel thuus te brynghene

 

 

 

Prinche

 

 

5

Dus verblydtmen meest een vrauwe zin ende moet

 

Ia daert in deser maeten dus mildelick gheschiet

 

vvant de middelmaete Es tallen spele goet

 

dats touervloedich / maer doch veel te Lettel Niet

 

dies inde middelmaete huwe ionsticheyt Biedt

10

voorziet den vrauwen zoo / van^* dies huer behouft

 

vvant wat Blydschap zou hoort ofte ziet

 

inde middelmaete zoo es zou blydst ghetouft

 

al zaete zou zwaermoedich inwendich Bedrouft

 

Touf inde middelmaete Cant meestdeel ghenesen

15

ende daert dus gheschiet / heb ick dicwils gheprouft

 

daer zal een gheel huus vul verblydynghe wesen

 

dus concludeir ick noch ter causen van desen

 

dat huer tmeeste verblyden staet te ghehynghene

 

Met inde middelmaete wel thuus te brynghene

+ 360 r

+ Fol. 360 r, r. 20 en nota in margine onderstreept.

* ‘van’: ‘v’ over andere letter (a?).