Eduard de Dene. Testament rhetoricael

[p. 84]

Refereyn
Dronckaerts Dursteghe lauekelen
Brandich heet
Gheennen dranck macher vervelen
Tot datmer scheed /

Huut crachte van vrau ghybens buersesnoer
nv gracieux zynde hueren Onderzaeten
Tzy flockemont drimmer eilman of Boer
⁺ oock alle wulpssche danssers vp Venus vloer
doe ick gratie dat zy oyndt van huer verghaeten
en milde zots gheuende tvolck garnaeten
veel BanckeRompaeden in tyds bedocht
Drynckers by ghehycte pynten en maeten
oude dasaerts metter mudse gheCnocht
slockPensse / meest van hu zeluen bezocht
doe ick gracie / dat ghy metten ban ontstaet
huut vlaendren / maer of ghy durst cryghen mocht
Drynct eens naer gratie / eer dat ghy ghaet /

VVachters van gheheele ofte alfue Cannen
ende niet en paeyen huerlieder wederpartie
doe ick gratie datmense niet en zal Bannen
maer by tusschenspraecke van dronckabel Mannen
zullen ontstaen mids poyende Pottekens drie
voorts alle de ghuene / en de zelue wie
ghecloostert gheCapt es / ghecryghe terstondt
naer eten / gracie van vastene / en die
zelue gracie / gheef ick oock Drooghemondt
end als ghy wel brassen mueght / tlyf tzyne ghezondt
dies moet ghy my haelen myn toeverlaet
maer oft ghy onder weghe gheen herberghe vondt
Drynct eens naer gratie / eer dat ghy ghaet

Ionghe meyskens huuthusich huutketsende vlugghe
doe ick gracie voor alsulcdaenich mesbruuck^*
van niet ghecastyt tzyne ouer Rugghe
behoudens datmense hier zynde te Brugghe
met adams Roe goyen zal styf vp den buuck
oock ion ick hu gratie droncke Luuck
dat ghy langhe dicke tueghen noch ouergaept
dies^** beveel ick vp tbeclemmen vanden Ruwen struuck
dat ghy noch eer Avendt int Riemken slaept
ghy tafelvrienden die den cost fletsich Raept^***

+ 362 v

* Oorspronkelijk ‘mesbruucken’; ‘en’ geschrapt.

** ‘dies’: ‘d’ over een eerste, kleinere ‘d’.

*** ‘Raept’: ‘a’ over andere letter.

[p. 85]

 

⁺ alst tydt om ghaen es doet doch mynen Raedt

 

end vp dat ghij gracelick pardoen betraept

 

Drynct eens naer gratie Eer dat ghij ghaet

 

 

 

Princhelicke

 

 

5

Ruters die straffe busschen verkiest

 

daer in ouerdaet doende foortse ende Cracht

 

dat ghij by dien middele thooft niet en verliest

 

doe ick grade warachtich / ia wordet beniest

 

behoudens tian dat ghys hu voort an wacht

10

en zo wie meest vulle backen acht

 

vroylick huutdrynckende als Bachus maet

 

waer ghy ter maeltydt zyt dach ende nacht

 

Drynct eens naer gratie / Eer dat ghij ghaet /

+ 363 r