Eduard de Dene. Testament rhetoricael

Refereyn

Ghy vastenavendt Regierders vul alder baldadicheyt
Tot soberheyts versmaedicheyt /
⁺ slampampende zoorgheloos oft waer den laetsten dach
tschynt den buuck blyft ydel zonder verzaedicheyt
natuere meer verlastende / dan die verdraghen mach
tsa tsa tes vastenavendt / laets dryncken goet ghelach
Roupt ghylieden en doet contrarie voorwaer
hoe cant vastenavendt zyn wie noyndt slichter dijnck zach
die eit en drynct den nacht ouer openbaer
Tschynt oft al moest versloct zyn / verteert voor zyn iaer
tsa tes al vastenAvendt inzwelght nv heetbroodt
doch zommich als ghy groot ghebreck lydt der naer
Roupt dat hu vastenavendt dan helpe thuwer noodt

+ 369 v

[p. 96]

 

Laets schyncken laets dryncken tsa tes al vastenavendt

 

hadwy meer wy ghauent

 

Laet niet ouerschieten propt vul den penszack

15

waerom zoudwyt niet doen / theerlynghen Beslauent

 

Laet de buers huuttheeren in vastenavends ghemack

 

schost brost / theert smeert / schynct drynct een vullen back

 

vrau slampampeghe pyndt tbuerseken tontCnoopene

 

tsa tes al vastenavendt / maect vry hu keelkens wack

20

niet gheerne te pyntene veel liefuer te stoopene

 

pyndt maeghen en daermen te ouerhoopene

 

end alst al versmetst es goud zeluer thin lood

 

niet hebbende om tsanderdaeghs een pekelhaerynck tcoopene

 

Roupt dat hu vastenavendt dan helpe thuwer noodt

 

 

25

Als Vastenavendt heeft gheydelt meest de scapraeden

 

thuwer grooter schaeden

 

dat ghyr tsanderdaeghs in vyndt te brassene Niet

 

daer ghy huwen schaemel nootdurst me mocht verzaeden

 

en datmer den olybeker langhe ydel ziet

30

Roupt dan vastenavendt datse hu troost biedt

 

diet hu heeft helpen Iaeghen duer tkeelgat inde daermen

 

als voor een doofmans duere / word hu Roupen gheschiet

 

vvant vastenavendt can de zulcke niet ontfaermen

 

doch die vastenavendt vierden binnen tsweerelts baermen

35

tsanderdaeghs met ydel buucken lyden hongher groot /

 

⁺ daer hout noch turf in huus zy / om coken en waermen

 

Roupt dat hu vastenavendt dan helpe thuwer noodt

 

 

 

Als Vastenavendt hu heeft zoo bemommeCanst

 

dat ghy int hemdeken danst

5

niet wetende waer keeren / noch wetende waer wenden

 

ende dhongerssche Ieghens hu ligghen^* beschranst

 

die hu huusghezinde van honghere schenden

 

datter leene niet zonder pandt wil zenden

 

keerle cuevel manthel cappe / naer myn oomkens neimt scoy

10

als ghyr dus me vaert ghy vastenavendsche Benden

 

Roupt dan naer vastenavendt steltter vp huwen foy

 

Als ghy hu zom thuutkercke Vyndt tappende Roy

 

ghequetst ghecrepelt ghehauwen duerwondt totter doodt

 

end in huwen Roup anders niet en Riept dan poy poy

15

Roupt dat hu vastenavendt dan helpe thuwer noodt /

 

 

 

Princhelicke

 

 

 

Epicurieneghe slampampers

 

veel spysen instampers

+ 370 r

* ‘ligghen’: eerste ‘g’ over andere letter.

[p. 97]

 

vastenavends disciplen bespoghen bebraect

20

Raescoppeghe draeytops Twistvlouckeghe Rampers

 

vviens maeghe niest van vooren dat dachterpoorte craect

 

die vanden vastenavendt gheel huwen afgod maect

 

van tafle ter tafle met cleenen Apetyte

 

Twas al van eten dryncken dat ghy meest spraect

25

tsnavents laete ten banckette / tsmoorghens vrouch ten inbyte

 

vastenavendt vierende met soberen proffyte

 

dat ghy tsanderdaeghs beschaemt staet met caken Root

 

inde buerse niet Vyndende een inckele myte

 

Roupt dat hu vastenavendt dan helpe thuwer noodt