Logo DBNL
Eduard de Dene. Testament rhetoricael (1976-1980)

Eduard de Dene. Testament rhetoricael

(1976-1980)–Eduard de Dene–rechtenstatus Auteursrechtelijk beschermd

Vorige Volgende

+ Refereyn

 
Zoo ghy vvilt dat hu de mensschen zullen doen+
 
zo doet hemlieden weder oock dies ghelycke
 
helpt huwen naesten naer hu macht in elck saeysoen+
5
verblydt van huwen dooden vyandt te gheenen wycke
 
vveist elck andren ontfaermich hier vp eerdeRycke+
 
zoo god ons alder vaeder es ontfaermich bekent
 
oordeel niet / op dat gheen oordeel thuwaerts blycke
 
vergheeft / vergheuenesse zal hu worden omtrent
10
met zulcker maeten ghy meit in hu Regiment
 
naermaels met zulcker maeten zult worden ghemeten
 
ontfanct crancke / den cleenmoedeghe troostynghe zendt
 
sticht deen den anderen waer dat ghy zyt ghezeten+
 
hebt huwen heere huwen god lief vulmaect onghespleten
15
end huwen naesten als hu zeluen metten wercken der naer+
 
vvant mensschen de gheheele wet ende propheten
 
in dese twee gheboden zo hanght die voorwaer
 
een yeghelick zyn naesten helpen zal / hier en tdaer+
 
ende zegghen zynen broedere dat hy vroom zy
20
die niet lief en heeft / Blyft inde dood dats claer+
 
en zo wie zyn broeder haet / Een doodslaegher es hy
 
vvilt elck andren niet Lief hebben mensschen ghy
 
metten woorde noch oock metter tonghen zede
 
maer staet deen den anderen minsamelick by
25
metten wercke ende oock metter waerheyt mede
 
Doet dyn broeder gheen ouerlast tgheender stede+
 
hebt lief huwen naesten met herte met zinnen
 
want Liefde dect zonden / dus thuwer zaelichede+
 
Huwen naesten wilt als hu zeluen Beminnen
 
 
30
Leert van my zeght den heere die bem goethertich+
 
oetmoedich en waerachtich in alle myn weghen
 
wie zyn broeder haet / es In duusterheyt smertich+
 
en wie hem lief heeft / blyft claer int licht bedeghen+
 
oock wie minsaemich es tot zynen naesten ghenegen*
 
+ zo liefzaem als themzeluen / certeynlick meer es dat+
 
dan alle tgheel ghebrande offerhandich pleghen
 
en sacrifitien ghedaen het zy in wat stadt
 
Alder liefste zoo ons christus heeft lief ghehadt
5
behooren wy elck andren lief thebbene zeere+*
 
al wie lief heeft / es gheboren huut tgoddelick vat
 
en die niet lief en heeft / kendt god te gheenen keere
 
want god es die liefde / wien ick dies danck vermeere
 
en gods liefde es zoo tonswaerts gheopenbaert
10
dat hy zyn gheboren zuene christum den heere
 
tonswaerts ter weerelt ghezonden heeft nederwaert
 
om dat wy duer hem leuen zouden onbezwaert
 
want die verzoenynghe es hy voor onse zonden
 
hebben wy elck andren lief / huut Rechtionstegher Aerdt
15
zo verblyd god in ons Tallen tyden en stonden
 
en zyn Liefde es in ons vulmaect bevonden
 
want duer liefde totten naesten Comt gods liefde an+
 
En die menssche zuuert zynder ooghen gronden+
 
om god te ziene / die zyn naesten beminnen Can
20
Liefde / es der zonden dood / voor wyf ende Man+
 
en liefde can duechdelick leuen ghewinnen
 
Christen mensschen die zom nydich zyt Raed ick dan
 
Huwen naesten wilt als hu zeluen Beminnen
 
 
 
Christus heeft huut liefden tleuen voor ons ghestelt+
25
dies zullen wy voor ons broeders oock stellen tleuen
 
vvetende dat wy ouerghevoert zyn ghetelt
 
vander doodt tot tleuen / die dus lieflick ancleuen+
 
hebt lief dan huwen naesten gheel zonder begheuen
 
alle dier met zyns ghelycke can Lieflick verblyden+
30
Reden waert dies dat de mensschen niet achterbleuen+
 
zy en hadden huers ghelycke lief oock tallen tyden
 
wilt deen den andren doch niet vermalendyden
 
Maer wilt verdraeghelick wesen tot allen zaecken+
 
+ wilt oock gheen quaet voor quaet gheuen / vechten noch stryden
 
maer wilt altyds dat goet es volghen ende ghenaken
 
voor elck anderen Int bidden vromelick waecken
 
Ia bidden voor de ghuene die hu doen quaet+
5
en wilt wel doen die nydich nochtans thuwaerts blaecken*
 
vp dat ghy tshemelsch vaders kyndren bescreuen staet
 
want hy zyn zonne vp goe en quae schijnen laet
 
en zend Reyn vpde Rechtueerde huut liefden vierich
 
oock laet hy Reynen vp alle onRechtueerdich zaet
10
vp dat wy allen mensschen zouden zyn goedertierich
 
vveder zy leefden Ieghens ons Onmanierich
 
ofte leefden Lieflick vreidzaemich onghestoort
 
vvilt den mesdoenders niet berespen / met woorden schoffierich
 
maer blameirt zulcke brooscheyt daert nyemandt en hoort+
15
tusschen hu end hem alleene / zebaer Rechtevoort
 
kennesse zal te zochtere in hem Beghinnen
 
Laets doen als voor ons zeluen / want tes christus woordt
 
Huwen naesten wilt als hu zeluen Beminnen
 
 
 
Prinche
 
 
20
Al spraeck Ick met mensschen en der inglen tonghen+
 
end ick die Edel Liefde en hebbe niet
 
als een clocke zonder clepel Bem ick bedwonghen
 
(als een Psalter zonder deuotie ghezonghen)
 
al wist Ick van alle verborghentheden tbediet
25
al had ick al dat in prophecien es gheschiet
 
en dat ick int ghelooue zoo waere ghemoet
 
dat ick berghen mochte verstellen / nochtans ziet
 
heb ick gheen liefde / als een niet ligh ick onder voet
 
al ghaef Ick ten aermen voedsel oock alle myn goed
30
ende lede tormenten oock zeer onghenaedich
 
heb ick gheen liefde zo stryd ick al ieghenspoet /
 
+ en ten es my niet proffyctelick maer beschaedich
 
want liefde es lydzaem vriendelick niet eueldaedich
 
noch zou en zouct haer zeluen niet tgheenen daeghen
 
niet vpgheblaesen eerghierich onverzaedich
5
noch en verblydt huer niet in des boosheyts plaeghen
 
maer als zou de waerheyt mach hooren ghewaeghen
 
zo verblydt zou ende wordt inwendich verhueght
 
al ghelooft zyt / alle dynghen can zou verdraeghen
 
Al hoopt zyt / al lydt zyt / huut lieflicker duecht
10
dies mensschen dan te wylen ghy zyt in hu Iuecht
 
vvint tshemels vruecht
 
hebt liefde thuwen naesten Laet liefde niet dinnen
 
maer zoo ghy best mueght
 
Huvven naesten wilt / als hu zeluen beminnen

Vorige Volgende