Eduard de Dene. Testament rhetoricael

[p. 118]

Poetich Exemple
Den intarders Murcea Temple

Anhoordt Doctrinale fictie / tot tzins behaeghen
hoe aerbeydt hier voortyds in voorleden daeghen
brudegomme ghemaect was / om leuen te zochtere
metter schoone murcea Plutho Dochtere
goddinne der Ledicheyt Miniootich playsant
Welcke Aerbeydt huer by hercules tryumphant
een tsweerelts slaue / vele Bruudsticken zandt
Eerst drie vaeten vul zweets / Een ezel een hane
Schilt ende zweerd / Twee spooren ick wane/
⁺ Een bouck / ende een thonne vul waeckynghen
drie scrynen vul zoorghen zonder eeneghe slaeckynghen
die thuerwaerts ghezonden al waeren ghebleken
maer die Ledicheyts goddinne wildese versteken
gheenssins^* wildeser blyfuen wesich // mede
Mids dat waeren alle ghiften van Besichede
en zou Ledicheyts goddinne / niet zouckende tzuere
meest tzoete zonder pyne / dats huer natuere
zegghende dat aerbeyd alsdoe vp Tpas
huer (die des Rycke plutho dochtre was)
behoortste thebben ghezonden / duer dal en weghelkens
zochte beddekens Snuutcleerkens speghelkens
ghebrocquette verdegaerden Pompeuse Clieren^**
goetRokeghe zoetluchteghe fumieren
Ia zochte handschoeykens Ryngheskens baegskens
fyne hemdemaukens halscleerkens met gulden Craegskens
en tdier ghelycke // Want hier inne faelgierde aerbeydt
es hy vander goddinne der Ledicheyt ontzeyt
ende Aerbeydt ghelaeten met verstoorden zinne
Twelcke veel quaets brochte naermaels ter Weerelt inne
zonder man zou bleuen / Rengneirde thueren heessche
ter weerelt in weilden gheel naer den vleessche
met hueren twee cnaepen thueren vermueghene
deene Bedroch dander ghenaemt Lueghene
met eender cameriere die zou hueren staet beual
Ypocrisie ghenaemt de meeste van al
waer mede zou haer behielp telcker spatien
Ende aerbeyd staende buten Ledicheyts gratien
bedruct zynde van huerer Repudiatie
versmaedynghe ofte Refutacie
es van huer zaen

+ 383 v

* ‘gheenssins’: ‘i’ over ‘e’.

** ‘Clieren’: ‘i’ over ‘e’.

[p. 119]

 

⁺⁺ zonder veel dilaeys // Naer het pallaeys

 

van pallas der wysheyts goddinne gheghaen

 

in een voornemen met cloucken beschicke

 

ende ghaf Aerbeydt daer ten huwelicke

5

Agenoria goddinne der neerstichede

 

mids tconsent van hueren vadere Bezichede^*

 

ende zoo hy der mede // int huwelick Bedeegh

 

Aerbeydt by neersticheyt zyn wyf ghecreegh

 

zeuen schoone dochteren daer of dient vermondicheyt

10

Leuen / Victorie / Duecht / Ghezondicheyt

 

Vruchtbaerheyt // Lusticheyt / ende Waerheyt der naer

 

zoo dat Iupiter vpperst god / der goden voorwaer

 

ziende tsweerelts staet Openbaer

 

By ledicheyt alsoo tonder Bleuen

15

heeft Aerbeydt in zynen staet verheuen

 

hem gheuende tzynder hulpeghe begheerynghe

 

Pales de goddinne die vandt de Landsneerynghe

 

Larunda het thimmeren / Arachne tweuen certeyn

 

Doris tschipmaecken waer hute Certeyn

20

alder eerst den treyn // van coopmanschepe es gheresen

 

Mineruam ghaf hy hem oock bouen desen

 

goddinne der studerynghen de ingenieuse

 

daer mede yeghelick wordt de fameuse

+ 384 r

+ Fol. 384 r, r. 8 ‘Aerbeydt’, ‘neersticheyt’, 10, 11 ‘Vruchtbaerheyt’, ‘Lusticheyt’ onderstreept.

* ‘Ledichede’ geschrapt, ‘Bezichede’ erna toegevoegd.