Eduard de Dene. Testament rhetoricael

[p. 128]

Refereyn
Estote imitatores Christi
Via Impiorum tenebrosa.⁺

Wee hu ghy boose mannen van beeden staeten
die huten Rechten weghe zyt dolende zeere⁺
en bewandelt meestdeel Cayms en Iorams straeten
ghy verdoolde die hebt gheel de wet verlaeten
van huwen god die alder hoogsten heere
keert themwaerts vp dat hy oock thuwaerts keere⁺
Want hy ontfaermt / al wie huer zonden berauwen^+
+ daelt van tquaede / maer clemt vp met weldaets leere⁺
maect hu een herte gheestich nieu zonder verflauwen
der steruenden doodt wil god niet schauwen
maer vvil dat hy keere ende weder mach leuen⁺
zeght dies met een vastgheloouich betrauwen
Vadre / voor wien hemelsch eerdsch helssche Beuen⁺
hu zuene theetene / Bem ick niet weerdich beseuen
vvant ghezondicht inden hemel heb ick menichfuldich
en voor hu die my sceppenesse hebt ghegheuen
keert tzijnewaerts^* / hu kennende zoo beschuldich
en zeght heere god ghenaedich vierich ghehuldich
ick bem ghelyck een man zonder hulpe ghebleken⁺
om hu Cranckheyt niet te zeere weist onverduldich
Bidt den heere / en zyn gratie zal thuwaerts leken
tooght hem claer hu quetsueren end huwe ghebreken
die^** ghy hebt in quae dolende weghen ontfanghen
vreest den heere huwen god volght hem onbezweken
hij eist die hu mach helpen huut dolende ghanghen⁺
zouct wysheyt huer Rechter handt Can tleuen verlanghen⁺
laet kyndscheyt / ghaet den wech der voorzienicheden
der ongherechteghen wech Schuut die als slanghen⁺
ghaet Inden wech der heydenen / oock tgheenen steden⁺
maer met dauid bidt thuwer zielen vreden⁺
heere Leedt my in huwen wech ter deghe⁺
dat ick Inghae in huwe warachteghe zeden
zo en wandel ick niet meer met dolende Leden
Afkeerende Vanden schoonhemelsschen weghe

Christus es voor ons ghepassyt der naer ghestoruen
ende dat wy zyn voetsteppen zouden volghen naer
zulck een bewys hebben wy an hem verworuen
der ongoddelicken wech zal wesen Bedoruen

+ Ephes 5.
prouerbi .4.

+ Eccli 41

+ zach. primo

+ Eccli 12

+ 390 r

+ Esai primo

+ Ezech 18

+ luce / 15.

* ‘tzijnewaerts’: ‘ij’ verbeterd uit ‘n’.

+ Psal 87

** ‘die’ in margine toegevoegd.

+ deu / 13

+ prouerbi .3.

+ .9.

+ .3.

+ Mathei.10

+ Psal .85.

[p. 129]

 

maer wie christum volght wandelt in gheen duusterheyt daer⁺

 

zyn weghen zyn vpRecht Waer inne voorwaer⁺

 

⁺ de Rechtueerdeghe zullen wandelen ziet

 

der ongoddelicken wech / es doncker niet claer

 

dus waer zy vallen zullen / en weten zy niet

 

Wandelynghe es van Noe met gode gheschiet⁺

5

als beminnende zyn heere huut liefden crachtich

 

vvant hy wiste wel zonder te twyfuelen yet

 

tsheeren weghen zynde Bermhertich warachtich⁺

 

ghy hartneckeghe verdoolde / zyt dit wel achtich

 

in al den weghen wandelen wilt zonder dolen

10

(vp dat ghy mueght leuen in welvaeren machtich)

 

die hu den heere huwen god heeft beuolen

 

al hebben zieck ellendich hu ooghen ghequolen⁺

 

ghelyct niet meer / die den effen wech voor by lyden

 

ende ghaen duer doncker weghen naer valssche scholen

15

maer naer den ouden bywech Vraeght tallen tyden

 

es hy goet daer in wandelt / en niet bezyden

 

ende zult huwer ziele vercoelynghe vynden

 

vvilt inden boosen wech / niet behaeghlick verblyden

 

vliedse ghaetter niet duere / wier hu toe pynden

20

peynst der mensschen Iaeren lyden als vlieghende wynden

 

en dat ghy wandelt eennen wech int zoete of tzuere

 

daer ghy / tzy aerme of die noyndt Rycdommen schrynden⁺

 

nemmermeer wederomme zult commen duere

 

dus wy die hier als pelgrems zoucken avonthuere

25

om verweruen zaelicheyts gheluck en zeghe

 

den Rechten wech te ghaene / Es de beste cuere

 

biddende / dat ons tsaemen gheenen wech ghebuere

 

Afkeerende Vanden schoonhemelsschen weghe

 

 

 

Comt alle die daer aerbeydt ende zyt verlaeden

30

comt tmywaerts / zoo Roupt christus ick zal hu vermaecken

 

keert betrauwelick ghewillich Rasch zonder verspaeden

 

vvandelt simpelick als beschermt duer zyn ghenaeden

 

zo mueght ghy dan ten hemelsschen weghe gheraeken

 

Christus es den wech tleuen vul warachteghe zaecken⁺

 

⁺ en de weghen die ter Rechter handt zyn hy kendt

 

ghedynct den heere dies in al hu weghen en spraecken

 

om te spoedeghen hu weghen word hij oock omtrent

 

metten zondaeren hu van te etene spent⁺

+ Psal primo

+ iohan/ 8

+ 390 v

+ Genesi .6.

+ Psal/24

+ Psal 87.

+ iob .16.

+ iohan .8.

+ 391 r

+ Thobie.4.

[p. 130]

5

ghy mensschen ghecocht / met christus heet bloedt

 

wordt niet dienaers der mensschen / maer zonder hendt

 

dienaers christi hem int volghen / met Rechter oetmoedt

 

ziet voor hu in wat wech ghy wandelynghe doet

 

vvandelt met die Rauwich zyn ende Bedrouft

10

huwen naesten byden weghe troostbaerich groet

 

ende vp den wech hu herte welschickende prouft

 

ghaet met nyemandt wien mesleedynghe heeft ghetouft

 

want met zulcke ghy wandelt / gheRekent ghy word

 

maer zouct den heere Die weet wat den mensche behouft

15

end hu voetsteppen van dolende weghen vpschort

 

den byl es an den wortlen der boomen gheport

 

vanden ghuenen die gheene goe vruchten voortbrynghen

 

doet vruchten van berauwe / dies Rasch vp en Cort

 

eer men hu als onvruchtbaer boom comt omRynghen

20

end afhauwende zal moeten ten viere brynghen

 

en verbarnen inder hellen diepste donckere stanck

 

ghaet in duer de nauwe poorte voor alle dynghen

 

niet duer de wyde poorte / wiens wech breed es Lanck

 

vvant zou es leedende totten verdomlicken ghanck

25

dies beraut my dat icker in te wandelen pleghe

 

elck pryst tRume / en vryheyt tsvleeschs vry en vranck

 

end ons Leedsmannen ducht ick ghaen zomtyds manck

 

Afkeerende Vanden schoonhemelsschen weghe

 

 

 

Prinche

 

 

30

Clemt ten berghe des heeren met een herte net⁺

 

ghaet daer / end en wilt niet meer zondeghen ghy

 

zaelich zynse Die vpden wech onbesmet

 

⁺ ende wandelen Inne des heeren wet

 

want den zulcken zal hy commen ghehulpich by

 

wandelt Rechte Te wylen ghy tlicht hebt vry

 

ghaet wascht hu ter Iordanen ghy wordt ghezondt⁺

5

vp dat hu vleesch weederomme gheReynicht zy

 

vanden hoofde totten voeten in dyns herten grondt

 

staet vp ghy die daer slaept dan in corter stondt

 

vvilt hu tot christum keeren / end hy zal hu verlichten

 

ende bidden huut eenne dancbareghe mondt

10

dat hy wil van hu zyne gramschap zwichten

 

dat hy een Reyn herte in hu wilt stichten⁺

 

end in hu Inghewandt vernieuwe / een vpRechten gheest

 

dat hy hu niet verworpe van huwe ghezichten

 

met dauid wilt zoo bidden / ghy van adam verweest

15

dan zult ghy mueghen wandelen onbevreest

+ Esai.2.

+ 391 v

+ 4 Regum .5.

+ Psal 50

[p. 131]

 

dit Raed ick hu quaet waert dat ict verzweghe

 

die noch dolende wandelt in tsweerelts forreest

 

duer doncker valssche weghen Vul venynich Tempeest

 

Afkeerende vanden schoonhemelschen Weghe