Eduard de Dene. Testament rhetoricael

[p. 140]

Refereyn

Ghy Cleenmoedeghe in ieghenspoet onverduldich⁺
waer es huwe vreese end hu stercte mede
huwe lydzaemheyt die ghy gheerne ghehuldich⁺
ghewillich om lyden ghehouden zyt schuldich
ende vreest daer ieghens tot elcker stede
Wee hem die heeft verloren ghedoogsaemheyts zede
ende zaelich die man die becuerynghen verdraeght
vvant als hy zal gheprouft zyn / dits warachtichede
tsleuens croone tontfanghene wordt hy ghedaeght
staet den vyandt ieghens clouckelick onversaeght
maer ghenaect god ende hij zal hu ghenaecken
vreest niet tverwyt der mensschen / noch daer naer vraeght⁺
strydt een goe strydt des gheloofs voor alle zaecken^+
+ volght verduldicheyt sober weist ende wilt waecken⁺
want die vyandt hu ieghenpartye ommeghaet
als een briesschende leeu met ghulseghe Caecken
om wien hy mach verslynden / zouct hy dus quaet
den welcken vast int gheloof zynde wederstaet
en die vp gods betrauwen meest^* bouen al acht
dus werct sterck inden heere naer paulus Raedt
ende wilt antrecken duer zynder stercheyts macht⁺
gods wapenynghe / vp dat ghy mueght staen gheschacht
Ieghens die laeghen van alle tvyandich ConRoot
metten zweerde des gheests / dats met gods woords cracht
want ieghens bloed en vleesch es ons gheenen strydt noodt
maer Ieghens die heerschappien ende machten groot
dus vecht daer Ieghens vroomlick als ionghelynghen
vecht oock strydbaerich al zoud ier voor blyfuen doodt
ieghens gheestelicke schalcheyt in dhemelssche dynghen
al wiltmen hu metter doodt van tghelooue brynghen
vecht vroomlick / want christus es myn leuen zeght
ende steruen myn ghewin / dus in wat omRynghen
Clouck en Lydsaemich ieghens becuerynghen vecht

Verblydt hu inden heere altyds onghehendt
ende wederomme zegh ick wilt hu verblyden
hu manierlicheyt zy allen mensschen bekent
die heere es nae by end onslieden omtrent
Laet zoorgfuldeghe dynghen dies voor by scryden
laet hu begheerten bekent zyn / by god in tyden
ende weist vulstandich wie ieghens hu Resen
vvant zo wat menssche die zonder Afglyden
totten hende vulstandich blyft / zal zaelich wesen⁺

+ Anno .1540.

+ iob 4

+ Esai .51

+ .1. thimo.6.

+ 397 v

+ 1 petri.5.

* ‘meest’ interlineair toegevoegd.

+ Ephes .6

+ Matthei 10.

[p. 141]

30

ouervloedich zyt in tsheeren werck bouen desen

 

vveist standvastich wat menschen werk thuwaerts keere

 

wetende / dat hu aerbeydt tot dyns ghenesen

 

doch niet te vergheifs en es inden heere

 

⁺ de lydzameghe die zal verdraeghen zeere⁺

 

tot inder tydt / ende naermaels voor zulck ghepyn

 

zo zal hem vp dat hy goeden loon vermeere

 

die wedergheldynghe goe vroylicheyt zyn

5

dus lydt Lydsaemelick met een ghewillich aenschyn

 

den thoorne en gramschap / die hu vpcommen zal

 

vvant hu vyandt hu vervolght heeft met zyn Venyn⁺

 

maer zult haestelick zien zijns verderfuens val

 

Bid voor die hu doen verdriet an / in tsweerelts dal⁺

10

ende neimt die propheten met een vierich verhitten

 

voor een bewys des Lydens ende Lydsaemheyt al⁺

 

die in tsheeren name spraecken zonder besmitten

 

ende wilt dranck huut Iobs verdraeghlicheyt pitten

 

die verdrough hoe hij ghequelt was versteken ontgoedt

15

in verduldicheyt zult ghy hu ziele bezitten⁺

 

In zwyghynghe ende hope huwe sterckheyt doet

 

hoe veel quaets dat hu bestoormde weist clouck ghemoed

 

niet inde menichte Light der victorien Recht

 

maer in tvaste betrauwen / dus duer christus bloedt

20

Clouck en Lydsaemich ieghens becuerynghen vecht

 

 

 

Staet / en wilt niet meer tiock des diensts anveerden⁺

 

vvilt den vyanden gheenssins oock plaetse gheuen⁺

 

den heere gheeftze sterckheyt hier vpder eerden⁺

 

alle die oyndt huut gheelder herten begheerden

25

an hem te gheloouene vroom clouck int Leuen

 

Laet Lydzaemheyt in hu vernedren ancleuen⁺

 

Van grooter wysheyt zo wordt ghy dan gheRegiert⁺

 

ouervaltmen hu met onRecht / zeght zonder beuen

 

totten gheesselen ziet bem ick bereedt ghemaniert

30

vvant god die es ghetrauwe in wat hy hanthiert⁺

 

dies en zal hy dats warachtich / en claer voor ooghen

 

den menssche laeten becueren / hoe den vyandt hem stiert

 

Niet voorder bouen dan hij zal connen ghedooghen⁺

 

⁺ maer wanneer hem een stercke wil ghewapent pooghen⁺

 

int bewaeren zyn voorzale / dats gheel therte vry

 

alle dynghen hem vredich bezitten tooghen

 

maer es hem een zyn stercker ouercommende by

+ 398 r

+ Eccli primo

+ Baruch 4.

+ Luce.6.

+ iacobi.5.

+ Luce.21.

+ gala/5.

+ Ephe / 4

+ 2 parali/ 6

+ Eccli.11.

+ prouerbi.14.

+ Psal .37.

+ .1. corin .10

+ 398 v

+ Luce.11.

[p. 142]

5

end hem verwint / dan zyn wapenen ontNeimt hy

 

in welcke hy betraude / end hy deelt zyn Roouen

 

dus ghy princhen staet vp / ende wilt grypen ghy

 

In al huwe dynghen den schilt van tgheloofuen

 

vvilt den helm des zalicheyts vp thooft sloofuen

10

Laet hu ghewapent als tweselken met Rute schauwen

 

Ieghens tserpent basiliscus / ghy zullet verdoofuen

 

dat zyn ghezichte dyn leuen niet zal doen flauwen

 

zyt vromer dan zulck een dierken in zyn benauwen

 

quae serpenten te vercranckene / doet gheen ghespaer

15

in Ieghenspoet weist Lydsaemich Mans ende vrauwen

 

mans verdraeght tot allen zaecken hier ende daer⁺

 

Betraut in god in hu plaetse blyft / als vroom pylaer⁺

 

twyfelt niet met alle wynden / strydt als gods knecht⁺

 

Laet hu gheenssins van tquaede verwinnen / Maer⁺

20

Clouck en Lydsaemich Ieghens becuerynghen vecht

 

 

 

Princhelicke

 

 

 

Verwinders van veel Becuerynghen

 

vvat christus hu belooft alsnv Anhoord⁺

 

ick zal hu zeght hy blydelick zonder truerynghen

25

te etene gheuen vul zoetter savuerynghen

 

van dat hout des leuens Rasch Rechtevoort

 

twelck es int middel des paradys onghestoort

 

myns gods / end hu gheuen oock tsleuens croone

 

wie verwint met een vastgheloouich Accoordt

30

hemelsch brood te etene cryght hy te Loone

 

end een blynckende steen hem gheuen schoone

 

ende daer In ghescreuen een nieuwe Naeme

 

welcke nyemandt en weet dan zulcke ydoone

 

diese daer ontfanghen zal zoo Eersame

35

die verwint met schoon witte cleedren bequame

 

wordt cleedynghe tzynewaerts dan gheschiet⁺

 

Ende zyn name zal ick zoot wel Betame

 

⁺ doen hute den bouck des leuens Niet

 

end ick zal zynen naeme belyden ziet

 

voor myn vadere ende voor zyn Inghelen Reyn

 

end hy en zal voortan / niet buten ghaen yet

5

maer hem maecken een Columne in myn troon certeyn

 

en tzitten met my gheuen in myn gods tempel Pleyn

 

Alsoo als Ick verwonnen hebbe / dit ouerlecht

 

die verwint zalt al besitten / dus in wat ghemeyn⁺

 

Spyts dhelsschen vileyn

10

Clouck en Lydsaemich ieghens becuerynghen vecht

+ .1. thessa .5.

+ Eccli .11.

+ Eccli 5.

+ Roma .12.

+ Apoca 2

+ Apo 3.

+ 399 r

+ Apo .21.