Eduard de Dene. Testament rhetoricael

Refereyn

Eist dat Wy zegghen / wy en hebben gheen zonde
zo bedrieghen wy ons zeluen / tot alder tydt
en die waerheyt en es in ons niet tzulcker stonde⁺
zoo iohannes dien helighen Apostel belydt
Daer en es oock gheen menssche ter weerelt wydt⁺
Rechtueerdich / en die gheen zonde en doet
vvant ons Rechtueerdicheden zyn een zondich habyt⁺
als een maendzuchtich vraucleed verworpen onder voet
Wanneer wy oock al tsaemen / met zinnen vroed
dat ons beuolen es / mochten hebben ghedaen⁺
elck onser nochtans segghen ende kennen moet
hoe duechdelick goet
dat wy noch als onproffytelicke knechten staen
als maer ghedaen hebbende / naer tvermaen
van dies wy te doene schuldich waeren
wat zullen wy dan doen / Tot wien zullen wy ghaen
om troost ontfaen
Anders dan tot christum Voorspraecke der zondaeren⁺
by zijnen vadre in dhemelsche schaeren
en zonder wien Wy niet mueghen doende wesen
maer vp dat hy ons Leuendich zoude spaeren
Christus es ons paesschen gheoffert / verResen

⁺ Vergheit die ionste van hu boorghe Niet
want hy heeft zyn ziele voor hu ghegheuen⁺
ghedynct den heere iesum christum ziet
dat hy vanden dooden verResen es bleuen⁺
huuten zaede van dauid / nv int eeuwich leuen
ende welcke christus niet meer en zal steruen

+ .1. iohan primo.

+ Eccles 7

+ Esai 64

+ Luce .17.

+ .1. iohan 2

+ 421 r

+ Eccli 29

+ .2. thimoth 2

[p. 179]

 

de wetbrief die ieghens ons was ghescreuen⁺

 

heeft hy ghecasseirt / ende willen bederuen

 

zyn meErfghenamen tzyne wildhy verweruen

10

gheuende zyn Leuen tdierbaerste iuweel⁺

 

tot een verlossynghe / voor vele in tsweerelts erfuen

 

om tzondich ofkerfuen

 

als Lam of doende des weerelts zonden gheheel

 

die voortyds mesdaedich waeren een groot Deel⁺

15

zyn ofghewasschen helich ghemaect Bequame

 

die waeren ghebannen huut themelsch pryeel

 

onder tsvyands gorreel

 

zyn Rechtueerdich ghemaect nv / duer christus name

 

ende duer den gheest van onsen god Eersame

20

vvant zoo wy wel vaste gheloouende Lesen

 

Christus es ghestoruen / maer zoot betame

 

Christus es ons paesschen gheoffert verResen

 

 

 

Hoe omRynghende dat onsen vleeschvyandt waect

 

Onse hulpe staet inden naeme des heeren⁺

25

die hemel Eerde met datter in es / heeft ghemaect

 

die ons daghelicx voedsel oock doet vermeeren

 

die ons can alle Liefzaemicheyt Leeren

 

hy wien Onser tyden zyn in zyn handen

 

hy dalder Rechtueerdichste die hem wilde keeren⁺

30

Totten onRechtueerdeghen in allen Landen

 

ende boorghe willen blyfuen voor onse schanden

 

iae boorghe niet alleene / maer tonser noodt

 

⁺ die ghijnghen als ghevanghen in dhelsche banden

 

heeft hy onse panden

 

zelue ghelost / en betaelt met zyn bitter doodt

 

vvarachticheyt ende bermherticheyt groot

5

elck andren te ghemoete gheghaen zy zy⁺

 

Rechtueerdicheyt en vrede zoot dheere gheboodt

 

huut dhemelssche schoot

 

die hebben elck anderen ghecust der by

 

in teeckene dat verzoent waeren wy

10

Van god des vaders gramschap / en bouen desen

 

vp dat wy zouden wesen zyn kyndren vry

 

Christus es ons paesschen gheoffert / verResen

 

 

 

Prinche

 

 

 

End hy zal gheRechtueerdicht worden Alleene⁺

15

ende blyfuen inder eeuwegher eeuwichede

 

een onverwonnen conyngh van Nasareene

 

ons toevlucht ons behouder in vaster vrede

+ Collos 2

+ Matthei 20

+ .1. corin/6

+ Psal 123

+ Psal 30

+ 421 v

+ Psal 84

+ Eccli 18

[p. 180]

 

den streck die ons veel bedwanghen dede⁺

 

heeft hy ghebroken / ende wy zyn los gheworden

20

helle doodt zonde in deerdsche stede

 

heeft christus gheel onder de voeten ghetorden

 

het mensschelick cleed wildhy omghorden

 

waer in hy ons doch wilde maecken zaelich

 

huut liefden tonswaerts / eer ye beghinnen porden

25

hoe dhelsche Cnorden

 

huut zyn hemelsch Rycke was hy nederdaelich

 

ende watmen van hem mochte wesen verhaelich

 

dat heeft hy vervult end onslieden ghenesen

 

ghewillich Liefzaem gheerne ende principaelich

30

Christus es ons paesschen gheoffert / verResen /

+ Psal 123