Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn
Doch in huwen thoorne straft my niet heere
noch wilt my niet in huwe gramschap castyden
10[regelnummer]
maer bidde dat hu wille Te mywaerts keere
dat ick duer hu bermherticheyt mach verblyden
vvant inder doodt zyn gheene die hu belyden
en wie zal hu inder hellen dan zyn ghedachtich
maect my dies ghezond heere zonder vermyden
15[regelnummer]
dat ick met hu leue myn god warachtich
myn vernedren ansiet onder myn vyanden crachtich
ghy die my verheft huute die poorten des doods
myn lydzaemheyt zyt ghy heere god almachtich
hope van mynder ioncheyt / die bem vul noods
20[regelnummer]
myn beschermer zyt ghy voor veel wederstoots
van huuten buuck van myn moeders Lichaeme
verworpt my niet bid ick met begheerten in groots
in myns ouderdoms tydt heere god eersaeme
verlaet my niet als myn cracht cryght onvraeme
25[regelnummer]
hu groote miltheyt vermenichfuldicht hebt ghy
myn goedynghen zyn hu / weet ick wel niet bequame
dus met dancbaerheyt ick thuwaerts Roupende zy
och god ontfaermt dies mynder dat bid ick dy
want de menssche die heeft my gheheel vertorden
30[regelnummer]
alle den gheheelen dach stranck bevechtende my
dies moedeloos en Raedeloos bem ick gheworden
Ga naar margenoot+ verhoort my god in myn zondich ommeghorden
tquaedt verweight myne duecht van ontellicke ponden
dus met hope en liefde bid ick / dier my toeporden
Vonnest my / naer hu ghenaeden / niet naer myn zonden
5[regelnummer]
God naer hu groote bermherticheyt zyt myns ghenaedich
en naer die veelheyt der ontfaermicheden van hu
doet of myn ongherechtheyt my zynde beschaedich
ende wascht my van mynder mesdaet bid ick nv
Reynicht my / van al myn zonden zo heb ick gru
10[regelnummer]
vvant ick bekenne myn quaetheyt groot ende cleene
myn zonde ieghens my es / altoos grof en Ru
ende heeft my ghevolght zoo / van kynds beene
O god hu zo heb ick ghezondicht Alleene
| |
[pagina 203]
| |
en veel quaets heb ick voor huwen ooghen ghedaen
15[regelnummer]
ziet in onduechden Bem ick ontfanghen onReene
ende myn moeder heeft my in zonden ontfaen
ziet / lief hebt ghy ghehadt des waerheyts vermaen
en my ghemaect hu verborghen wysheyt openbaer
heere met ysope wilt / my bespeerssen zaen
20[regelnummer]
end ick zal zuver worden / my wasschen der naer
end ick zal bouen der snee ghewit zyn daer
myn ghehoor zult ghy vruecht en ghenouchte gheuen
en den beendren veroetmoedicht / hem verblyden claer
keert doch hu aenschyn of / van myn zondich sneuen
25[regelnummer]
doet alle die mesdaeden huut / By my bedreuen
en god wilt in my scheppen doch een herte Reyn
Laet in myn inghewandt eennen vpRechten gheest Leuen
quaede mensschen zal ick Leeren hu weghen Certeyn
verlost my vander bloedegher zonden Treyn
30[regelnummer]
god die zyt myns zaelicheyts god bevonden
end als ghy metten viere vonnessen zult tsweerelts pleyn
Vonnest my Naer hu ghenaeden / niet naer myn zonden /
Ga naar margenoot+ Tot hu heb Ick myn ziele vpgheheuen noch
myn god vp hu heb ick gheel myn betrauwen
Laet my niet worden beschaemt / dat bid ick doch
dat myn bespottende vyanden my niet verflauwen
5[regelnummer]
gheen beschaemtheyt / zullen hu belyders anschauwen
hu voetsteppen leert my / wyst my huwe weghen
myn god myn zaelichmaecker / toevlucht in Rauwen
ghedynct dies heere vp dyn ontfaermich pleghen
end vp hu ontfaermicheden tonswaerts gheneghen
10[regelnummer]
die gheweist zyn van des weerelts beghinne
doch tghedyncken mynder zonden / houd dat verzweghen
maer om hu goetheyts wille die ick beminne
ghedynct myns met eenen ontfaermeghen zinne
bewaert myn ziele / en vergheeft my / es noch myn Bede
15[regelnummer]
Myn zonden zyn dicke / en myn duechden zyn dinne
zyt myns ghenaedich die aerme bem / eenich mede
ghy zyt den heere mynen god des paeys en vrede
een vreeslick Liefhebber die bezouct tsvaders mesdaet
anden kyndren van int derde ten vierden Lede
20[regelnummer]
der ghuenen / alle die hu hebben versmaet
maer doet oock met huwer bermherteghe Raedt
ouer veel duusent huwe Bermherticheyt
die hu beminnen / en wie vast gheloouende staet
en ghewillich hu gheboden houden onbeCreyt
25[regelnummer]
duer Esayas den prophete / hebt zelue gheseyt
ick bemt zelue / die hu zonden mach hutegronden
| |
[pagina 204]
| |
dus bid ick doch myns Roupen tanhoorene verbeydt
Vonnest my naer hu ghenaeden / niet naer myn zonden
Princhelicken
30[regelnummer]
Ghecruusten god tonsewaerts vierich
doch hoe wonderlick es huwen name bekent /
Ga naar margenoot+ ouer al eerdeRycke zo goedertierich
end hu groote mildheyt eeuwich onghehendt
verheuen bouen themelssche firmament
vp dat ghy zoud bederuen / den wraeckghiereghen grof
5[regelnummer]
huut den mondt der Ionghe kynderkens vpghespent
ende zughelynghen hebt ghy vulmaect hu Lof
Den mensschen broosch aerme droogh eerdsch zondich stof
hebt ghy een weynich minder ghemaect verschoont
dan den inghelen hu louende int hemelssche hof
10[regelnummer]
met verchiersels end eere hebt ghy hem ghecroont
ende hem ghestelt zo edelick ghepersoont
heere god ouer al huwer handen wercken
die zo goethertich Leeft / ende Rechtueerdich ghetroont
beschermt my doch altoos onder huwe vlercken
15[regelnummer]
dat ick by hu myn erfuenesse mach Anmercken
ende dan in huwe zalicheyt wesen verhuecht
tes in hu spyts alle ghestriepte clercken
want niet onmueghlic es hu / maer al dynck vermueght
heere wilt hu volck dan spaeren by huwer duecht
20[regelnummer]
die bermherticheyt wilt / ende niet offrande
en gods kennesse liefuer huut gheloouende iuecht
dan brandoffer voor al onser zonden schande
myn hope en stercte zyt ghy in tsweerelts warande
die bid alsvooren duer hu diepbloedeghe wonden
25[regelnummer]
heere die hu laete dit testament te pande
Vonnest my / naer hu ghenaeden / niet naer myn zonden
|