Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Der Christenspiegel (1954)

Informatie terzijde

Titelpagina van Der Christenspiegel
Afbeelding van Der ChristenspiegelToon afbeelding van titelpagina van Der Christenspiegel

  • Verantwoording
  • Inhoudsopgave

Downloads

PDF van tekst (2.10 MB)

XML (1.03 MB)

tekstbestand






Editeur

Clemens Drees



Genre

sec - letterkunde

Subgenre

studie
non-fictie/theologie


© zie Auteursrecht en gebruiksvoorwaarden.

Der Christenspiegel

(1954)– Dirk van Munster–rechtenstatus Auteursrecht onbekend

Vorige Volgende
Regelnummers proza verbergen

L (Ro R)

4Wat aflat is vnde wo me dat vordenen schal.

5Aflaet na deme alze de doctores schriuen vp dat capittel Quid autem 6de pe. et re. is eyne quitinge edder to geuinge der pinen vor de sunde 7de me liden scholde na der ruwe.

8Wat pine is id de dorch aflat vorgeuen wert? Hir vp antwerdenn de 9lerers mannigerhande wys, men de werdige doctor Franciscus maronis, 10Coffredus Johannes andree vnde Panormitanus vnde gemenlik de anderen 11rechtlerers in dem vorbenomeden capittel vnde ok de hilge 12Thomas in dem verden ouer den mester in der .xx. dinstincien holden 13vnde spreken alzo: So ein gesundiget heft dotlik so is de minsche 14verordelt to der ewigen pyn. So he auer de sunde beklaghet vnde 15kricht dar van eine walgeringe myt vpsate de to bichten, van stunt is 16de ewige pine vorwandelt in de vorgenklike pine des vegevuers de dar 17vor moste gheleden werden. So nu den minsche bichtet vnde bote entfanget, 18so wert ein deel der pynen gequittert des sacramentes der bicht 19haluen. Dat ander deel wert leddich dorch de bote de ein minsche deyt 20vor sine sunde mit der medewerkinge des lidendes cristi; wat nu noch 21meer is van dem vegevuer toliden dat wer quijtgeschulden dorch dat 22aflat dat de minsche vordenet, wente wanner dat ein schult to gegeuenn 23wert van dem de des macht heft so is id gelik so vele alze se 24betalet were. Auer de hilge kerke vorgift de pine des vegevures so se 25deme sunder penitencie vpsettet; darumme so se dem sunder aflat 26gyft so quiteret se en van dem vegevuer. So is ok dat aflat nutte hyr 27to in sodaner maner: de vpgesette penitencie in der bicht wert dar 28dorch af genamen. Exemplum: Heft di de prester vp gheseth .c.

[pagina 349]
[p. 349]
Ga naar tekstkritische notentekstkritische noten

1dage bote vnde du winnest wor .c.dagh afflates, so sint se quijt vnde 2doruest der bote nicht doenn; doch is id gud dath me de bote holde 3vnde holdet den aflat vor de pine des vegevuers. Nu schal me woll 4merken dat dat aflat so vele pine hyr edder in dem vegevur afnimpt 5alze de wort vnde forme des aflates breff inne holdeth. So de minsche 6deit dat genne dat in dem breue bestemmet is vnde na dem alze em 7wol temet todon - Exemplum: de bref ludet also: We mit lede vnde 8ruwe na der bicht edder myt gudem willen tobichten gaet to dem dome 9vnde sprekt sin gebet vnde kumpt tohulpe dem buwete de vordenet 10.c.yaer aflates - so is hir vnderscheit wente ein arm mynsche gift 11einen pennink vnde kricht alzo dat aflat, men ein rike man scal meer 12geuen wente em dat themet. - Alzo sprekt de grote doctor Bonauentura 13vnde de hilge Thomas in dem verden in der .xx. distincien: were 14id ock sake dat ein nicht dede alze em bethemet todonde so scal he 15dat doch nicht laten vnderweghen sunder scal don vnde geuenn wat em 16beuallet, wente kricht he nicht so gancz vele van dem aflate so kricht 17he doch meer quitinge der pinen des vegevures vmme dat werk wen 18oft he ein ander gud werk ghedan hedde. Doch so scal de minsche 19darumme nicht to rugge slan ander gude werke de in sik vordenstlik 20sint alze vasten, beden, almosen geuen etc.; weten oft desse benomeden 21werke nicht so vele pine des vegevuers afnemen, so sint se doch van 22groteren vordenste vnde vordenet meer beloninge van gade inder 23ewigen glorien wen de werke dar vmme me aflat kriget, welker’ 24allenenn de pine hir edder in dem vegevuer afnemen denne noch 25etliker mate gnade vnde de glorien vormeren na dem se in sik suluen 26guet sint vnde darumme vordenstlik der gnade vnde vormeringe der 27glorien.

28Item merke gar euen de aflates bref ludet alzo: Wy geuen aflat van 29allen sunden, dat is alzo vele gespraken alze van allen pinen de ein 30liden scolde vmme de sunde hir in der penitencien edder dar in dem 31vegevuer. Vorweruet nu de minsche sodane aflat vnde storue so ane

[pagina 350]
[p. 350]
Ga naar tekstkritische notentekstkritische noten

1nye sunde, so vore he in denn hemmel ane alle middell. - Holdet 2euer de bref alzo: Wy geuen hundert edder .xl. iaer aflates van 3vpgesetter penitencie, so wert allene de penitencie quid vnde nicht de 4pyne des vegevuers. - Ok ludet de bref alzo: Wi geuen aflat van allen 5sunden dar vor me lede vnde ruwe gehat heft vnde bichtet sint, denne 6so werden allene de weten vnde bekanden sunde vorgeuen vnde nicht 7de vnweten noch vorgeten. - Vndertiden ludet de bref alzo: Wy geuen 8.c.dage aflates alle den de dar beden in der capellen .v.pater noster 9edder de dar gheuen einen gulden, so darf me nicht anscen de personen 10oft se ryke sint edder arm, men de dat genne deyt, de vordenet den 11aflat vnde anders nicht. - Item vrage Wel sint de genne de aflat 12mogen vordenen antwerden de merkliken scrifte auer dat capittell 13Quid autem vnde de theologi in dem .iiij.ouer denn mester etc., dat 14in dem ersten: De dar aflat vordenen wil de schal sin ein beruwer 15vnde schal gebichtet hebben in der tid des paschen na der ordeninge 16der hylgenn kerken edder scal wesen in dem willen vp dat alderminste 17to der tijd tobichten sine sunde de dar dotlik sint; desse 18vordenet dat aflaet. Dit holden de lerers alze panormitanus in c.omnis 19vtriusque sex.de.pe.et re. vnde Jo.an. in dem genannten capittel Quis 20autem vnde de glosa in der enigen Clementini de re. et ve.sanctorum 21etc.

22Item de den aflat vordenen wil scal hebben den andechtigen louen, 23so dat he loue dat alzodane macht bi der hilgen kerken sy de dar 24nicht efte mach erren, wente se van den hilgen geste regeret wert in al 25deme dat der salicheit vnde dem louen to behoret. Vnde in dessem 26louen vordenet he ok vormeringe der gnaden vnde der glorien alze de 27hilge Augustinus sprekt: Ok moet de de dar aflat vordenen wil dat 28genne don darumme dat aflat gegeuen is vnde is nicht noch de gude 29wylle, wente de gude wille bringet dem minschen gnade vnde vor-

[pagina 351]
[p. 351]
Ga naar tekstkritische notentekstkritische noten

1meret de glorien, euer se nimpt nicht wech de pine, noch danne so 2mach de pine geminret werden dorch den guden willen wente de gude 3wille bringet vnde maket ruwe vnde leide vmme de sunde vnde alzo 4quitinge vnde vorminringe der pine.

[tekstkritische noot]1 .c.] hundert R.
7 tho donde R.
10 .c.] hundert R.
11 dat] dan RoR.
15 dat] des L / sunder he scal L.
[tekstkritische noot]2 van] na R.
6 bekanten RoR.
8 .c.] hundert R.
11 Wel] Wol LRoR.
14 vordenen] vordenenen Ro.
18 panormitanus in] panormitanuslin Ro, panormytanus li. R.
20 Clementinen RoR.
[tekstkritische noot]5 Dat Register R.
9 ander] .ij. R.
10 vmme mißdaet winnen mach vorgeninge L.
13 me fchlt R.
14 wo me dat sacrament RoR.
16 vruchtbarliker L, vruchtdarliken Ro.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken