Refreinenbundel
(1940)–Jan van Doesborch–
Auteursrecht onbekend[LXIII] Refreyn
Ga naar margenoot+ ALs men van pijne soude spreken
die welcke alle genuechte doet afbreken
ende die crachten moten beswijcken,
so en isser gheen deser ghelijcken
5[regelnummer]
vanden welcken ic wil hier doen verstaen.
si doet die ionghe iuecht te nieute gaen
ende bringhet den menighen in lijden groot
en versmoortse gheheel tot in die doot,
dwelc sijn twee herten in liefden ghetrouwe
10[regelnummer]
die om gheen dinc deen dander laten souwen
maer ghetrouwe bliuen in lief, in leet,
dat den menighen is onghereet, Ga naar eindvs. 12
maer als dese twee dan sijn ghescheyden
so moeten si wel een druckich leuen leyden.
15[regelnummer]
hoe mach dan meerder pijne sijn van desen
dan absent vander liefster te wesen.
Dan en isser gheen meerder pijn beuonden,
ic segt goet ront, ic wilt oorconden,
want voor alle pijn vintmen boet
20[regelnummer]
dan alleen voor der minnen gloet,
daer en is conste noch medecijn
Ga naar margenoot+ die blusschen mach der minnen pijn.
dan die int herte staet present
| |
[pagina 119]
| |
bemercket wel waer dat ghi went,
25[regelnummer]
die sinnen en rusten ten gheenen fijne
dan alleen lief bi lief te sijne,
want alle ghenuechten daer versamen
diemen mach dincken naer tbetamen,
alle dorperheyt wert daer vergheten
30[regelnummer]
daer ghetrouwe liefde is int herte gheseten;
so en isser ooc geen meerder pijn wtgelesen
dan absent vander liefster te wesen.
Ic seg v noch, verstaet den sin,
een en mach niet hebben meerder ghewin
35[regelnummer]
dan een herte te vinden sijns ghelijcken
dat hem in gheender noot en wil beswijcken, Ga naar eindvs. 36
wiens liefde niemant en mach hinderen
noch met eenich corrupcie verminderen
mer in wille in wercken sonder cesseren
40[regelnummer]
hem deen dander ghetrou presenteren
en so in liefden te samen sijn ghebonden
so datse niet vergaen en mach te geenen stonden
ia is dat niet een vruecht bouen maten?
Ga naar margenoot+ maer lazen die contrarie moetmen ooc vaten,
45[regelnummer]
alsmen moet deruen die int herte stont
so wert dat herte ter doot ghewont
dwelc onmogelic is te ghenesen
alsmen absent vander liefster moet wesen.
Prince
Och hoe wee is hem dicwil te moede,
50[regelnummer]
die niet en gheert dan eerbaer liefde int goede
en hem die liefste dan wert onttoghen;
dan moet hijt wijten sinen ooghen
en mineren sijn leuen in groter pijn Ga naar eindvs. 53
als hi hem vint daeraf verscheyden tsijn
55[regelnummer]
die hem in allen plach te gheuen confoort,
mer tsceyden dair af meer therte doorboort
| |
[pagina 120]
| |
dan eenich instrument duerboort den steen,
dies leeft hi daghelijcx in groten gheween.
al hoortmen snaerspel oft musiken sancx,
60[regelnummer]
therte roept, so lieuer lief so meer verlancx,
en dat verlanghen maect meerder pijn
dan die schorpioen doet met sijn fenijn.
dus isser gheen pijn meerder int herte geresen
dan absent vander liefster te wesen.
Ga naar margenoot+ [twee houtsneden naast elkaar] |
|