Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

[XCIV]

Dronckenscap sonde, schade, en schande

Refreyn

 
MOordadige drake vol van fenijnen,
 
Ouerdadich, manslachtich in v pijnen, vs. 2
 
Gheen quaet ter werlt en mach v ontdieren, vs. 3
 
Oorspronc van schanden gaende metten dijnen,
5
+ Wroetende int slijc gelijc doen de zwijnen,
 
Gheen duechden en vindic in v regieren
 
Onnaerdige dracht seer quaet om bestieren,
 
Ghi muecht scoffieren de siele ende lijf;
 
Exempel vintmen in veel manieren,
10
Den groten maecti veel minder dan mieren,
 
Dair goet pays is dair maecti groot gekijf,
 
Merct doch wel hoe dat duer v quaet bedrijf
 
So menich tleuen laet staen te pande,
 
Dies ick v moet nomen in mijn woorden stijf
15
Dronckenschap, sonde, schade en schande.
 
 
 
Tfy valsche beroofster des sins verstant,
 
Duer v was Amon gheworpen int sant
 
Van Absolone ter doot doen bringen,
 
Sijns selfs broeder, bi redene: want
20
Hi v misdoende met sijn suster vant
 
Dies hi doe antrack sdroefheyts stringen.
 
Olofernes en mochte niet verdingen, vs. 22
 
Hi moste gehingen sijns lijfs bederuen,
 
Doer dronkenscap sachmen sijn bloet springen
25
Dies menich moste sijn handen wringen
 
Want Iudith dede hem onsalichlic steruen.
 
+ Men sach Loth door v in sonden eruen
 
Sijn dochter bekendi in onuerstande,
 
Dit woort moetti noch lange verweruen
30
Dronckenscap sonde, schade en schande.
 
 
 
Den groten Alexander rijc ende machtich
 
Maecte door v sijn handen bloedachtich
 
Vermoordende sijnen vrient vol trouwen;
 
Ter kennissen sijnde wert hi clachtich.
35
Tfy dronckenscap alder quaetheyt onsachtich
 
Wat machmen door v wercken aenschouwen;
 
Ian van beuerley door v benouwen
 
Die cracht vrouwen van sijn eygen bloet;
 
O wreede serpente, siet v brouwen,
40
Daer ghi sijt en sal gheen duecht bedouwen
 
Mer wonderliken groten tegenspoet.
 
Ter werelt en leeft gheen wijs so vroet
 
Ghi hangt hem in Virgilius mande,
 
Ia die v ghelooft ende naer v doet
45
Dronckenscap, sonde, schade en schande.
 
 
 
Prince
 
Princelic prince aenmerct hier v slot,
 
Machomet dede een stranck ghebot
 
+ Den wijn te latene daer hi regent was,
 
Dronckenscap was de cause dat op hem dlot
50
Van droefheden viel, ten was ghec noch spot:
 
Sinen vrient vermoorde hi doe present was; vs. 47-51
 
Dat Noe ooc die als slapende blent was,
 
So bekent was, ontdect onschamelic,
 
Dronckenscap was cause die dair ontrent was
55
Dies tverdoemen geseyt tot inden endt was
 
Sijns kinders, dat was seer onbetamelick.
 
Ick bid v prince, drinct doch bequamelic vs. 57
 
Het si te water oft oock te lande,
 
Wat ick segge dat vindi namelick:
60
Dronckenscap, sonde, schade en schande.

Vorige Volgende