Refreinenbundel

[CLII]

Eest nv goed alsmen v willeken doet

[p. 269]

Refreyn

EEn ruyterken, een alte vrijen dwerch,
Dat had een borse vol gelts gheswollen.
Dat vernam een vrouken wt Venus berch
Die sulcken calantkens wel conde pollen. ^{vs. 4}
Si ghingen van daer tusschen postel en mollen ^{vs. 5}
Tot op een cantken van eender gracht.
Haddise daer hooren sitten bollen ^{vs. 7
+} Het duerde wel totter middernacht;
Si hadden vrou Venus leen verpacht,
Natuere was haren lust gheboet. ^{vs. 10}
Ick mocht wel seggen want claer ick sacht,
Ende hoorde eenen roepen alle sijn macht:
Eest nv goet alsmen v willeken doet.

Och lieue ruyter seydse, sonder sneuen,

Pijnt doch te blusschene mijn verdriet;
Al hebdi mi een aelmoesene ghegeuen
Ick en heb noch te vollen mijn willeken niet.
Doen ick v dat v herteken ghebiet,
Ghi sult mi andersins moeten ghedincken.
Ke doch met vruechden in v borse schiet,
Ick hoor so geerne die penningen clincken.
Hi ghinc haer eenen gulden schincken,
Doen was verblijt die bloeme soet.
Wat ou, seydse, nv mach ick gaen drincken.
Doen spac hi noch eens sonder mincken:
Eest nv goet alsmen v willeken doet.

O troostelick lief, tis mijn gheriefken

Dat ghi dus spaert om mijnen wille.
Ghi wert noch eens mijn liefste liefken.
⁺ Ick bid v doch alder ghetrouste dille, ^{vs. 30}
Nemmermeer en comen wi in gheschille,
Siet hoe ick mijn oochskens op v draye,
Al quamer een duyst binnen deser zille, ^{vs. 33}

vs. 4 pollen: plukken (zie Ndl. Wdb. i.v.)

vs. 5 tusschen postel en mollen: Postel was en is een beroemde abdij der Premonstratensers, dicht bij het plaatsje Moll (prov. Antwerpen).

vs. 7 bollen: babbelen (Kil.).

+ [f. 211 v°]

vs. 10 Aan het begin is misschien bi weggevallen.

+ [f. 212 r°]

vs. 30 bid v doch: lees wsch.: ben doch v.

vs. 33 zille: drempel; binnen deser zille dus: hier in huis.

[p. 270]

 

Ghi waert de liefste, ey seker iaye;

35

Weder ick kaerde, breye, spinne oft naye,

 

V coemst is mi altijt een blijde ghemoet.

 

Dus strelende ghecreech si al sijn paye.

 

Doen sprac hi noch eens: mijn schone gaye,

 

Eest nv goet alsmen v willeken doet.

 

 

 

Prince

40

Dat vrouken hadde alte loosen grondeken.

 

Doense sijn borse ha ende alle sijn ghelt

 

Si ghinc hem tonen een lachende mondeken

 

Ghelijc den pladdijs sijn muylken stelt. ^{vs. 43}

 

Si en sette hem niet meer dach en velt ^{vs. 44}

45

Om datse thuys sou sitten op haer stoelken.

 

Al hadse hem te voren wat soets gherelt,

 

Si leerde hem speelen bot wt roelken, ^{vs. 47}

 

Hi moste gaen soecken een ander boelken.

 

Dit doende en is hi dwoort self niet vroet ^{vs. 49}

50

Eest nv goet alsmen v willeken doet.

⁺ [houtsnede]

vs. 43 pladdijs: schol.

vs. 44 dach en velt: vgl. CXLV, 45.

vs. 47 bot wt roelken: vgl. XII, 31.

vs. 49 en is hi ... niet vroet: weet hij niet of -.

+ [f. 212 v°]