Tpalays der gheleerder ingienen, oft der constiger geesten

[fol. Ciiijr]

xxxiij.

Die een rootse met een scheers wilt clieuen, is sot
Hy maket bot // ende en verliest niet dan sinen tijt
Tscheersmes is weeck, de rootse hert, dits tslot
Dat wi hier by sullen sijn verstaende altijt
Dat wi gheenen twist, opruer, noch strijt
En sullen hebben teghen die ons sijn te crachtich
Oft het wort int deynde tot groot onprofijt
Sijt het scheermes, en de rootse altijt gedachtich
Oft anders soo sijdy ten eynde clachtich
Maer leeft altijt by goeden raeye
Sulcke is teghen sijn ouerhooft crackeelachtich
En als hi dan claecht, dan ist te spaeye