Tpalays der gheleerder ingienen, oft der constiger geesten

[fol. Fiiijv]

lxxxij.

Den boom in sijn ioncheyt tveyl verdraecht
Ende onderhout hem onuersaecht // seer menichfout
Hoe wel dat hi daer namaels wort gheplaecht
Van hem benaut, ende seer verdout
Dits dat den boom namaels seer rout
Als hi hem vint verdroocht, seer onplaysant
Sghelijcx vaert hi die eenen ondancbaren betrout
Hem altijt het beste ghedaen aen elcken cant
En loonet hem qualijc, sonder verstant
Sghelijcx die eenen iongen leeu (hijt so vinden // sal)
Op voedt, laet hi hem gheworden ignorant
Als hi groot wort, hi hem verslinden // sal