Het triumph-hofjen Iesu Christi ende Marie

[p. 3]

Aenspraeck Tot den Ionstighen Oordelaer.

GHy die de Maet-konst weet soo effen juyst te snijden,
Dat in het sang, of voor, of achter, niet ghebreeckt,
En nochtans over al vol goede leeringh steeckt,
Soo dat u konste gantsch voldoet aen beyde sijden;
En ghy die't oordeel van onrecht so soeckt te mijden,
Dat ghy uyt goeder hert niet dan de waerheydt spreeckt;
Laet toe, dat ick, die nu van yver wordt ghesmeeckt,
Eens sien mach hoe veel dat mijn swacke Pen can lijden:
Maer wilt doch, bid ick, niet met u begaefde Geest
Gaen onder soecken dit kleyn wercxken op het meest,
Of wilt my oock daer van u goede leeringh geven;
Soo sal ick u soo langh totdat mijn siel verhuyst
Danckbarich wesen, dat ghy my Maet leerden juyst,
En sult in mijn gedacht met goet vernoeging leven.