Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

[p. 321]

Besluyt, Totten Christelijcken Leeser, oft Sangher.

Siet lieue Leser ende Christelicke Sangher Hier hebdy nu veel schoone ende Schriftuerlijcke Liedekens by een vergadert, die welcke Soetgen Gerrits van Rotterdamme by haer leuen ghemaect heeft daer ghy in die Voorreden deses Boecx breder bescheyt in alle claerheyt van vinden sult, ect.

Ende dewijle dat wy verhopen dat dese Liedekens den Godvresende tot stichtinghe ende beteringhe in den Heere sullen dienen, so hebben wy tot behulp van den Sanger die voornaemste propoosten der heyligher Schriftueren waer wt dese

[p. 322]

Liedekens ghemaeckt zijn: op die rant aenghewesen, op dat den Sangher lichtelijck sal mogen nae soecken het ghene dat hem in dese Liedekens gheleert ende vermaent wort ende die aenwijsinghe hebben wy op dese maniere ghestelt. Te weten met het eerste cyfer ghetal hebben wy het Capittel aenghewesen, ende met het laetste ghetal hebben wy het verrsken des Capittels aenghewesen, alsoo dat den Sangher om een propoost te soecken niet en behoeft het gantsche Capittel door te lesen etc. Ende verhoopen dat ghy desen onsen cleynen arbeyt wt wel goeder meyninghe ghedaen in danck sult onfanghen, ende wenschen v van gantscher herten dat ghy daer door ghesticht ende ghebetert moecht worden, totten prijse Gods ende uwer Sielen salicheyt, Amen.