Metamorphosis naturalis

Ofte historische beschryvinghe vanden oirspronk, aerd, eygenschappen ende vreemde veranderinghen der wormen, rupsen, maeden, vliegen, witjens, byen, motten ende dierghelijcke dierkens meer

XXII. Bevindinge.

HEt is een vermaeck om aen te sien, hoe heerlick dese Rupse van koleuren is, ende vande Natuyre geteyckent is, waerom ick hem de Mervelie genaempt hebbe. Sijn spijse is het loof van Keersen, Amandel, Peeren ende Pruym-boomen. Ick en hebbe noyt het saedt van dese Rupsen konnen vinden. Syn begin is gelijck een kleine swarte fleck, slijmachtich, nat ende blinckende, ende wort soo allenxkens grooter tot dat hy voor de eerste-mael sijn Vel verandert, ende dan begintmen de koleuren te sien, doch hy vervelt daernae noch eenige

[p. *35]

[p. *37]

[p. 63]

reysen. Ick heb hem van kost versorgt 20 dagen, ende heeft sich tot Veranderinge geset op den 22 September, ende is daer uyt-gekomen op den 12 Julii van het volgende jaer desen Uyl hier af-geteyckent by letter A. welcke maer twee daeghen in het leven bleef. So dat hy acht Maenden lanck geweest is sonder datmen daer in eenich leven konde bespeuren: Ende lach aldus in eenige t' samen-gesponnen bladeren verborgen.