Approbatie.
TOt eerelyck vermaeck mach dit Boexcken gedruckt worden; niet hebbende teghen het Geloove ende goede manieren, bequaem om de Ionckheyt uyt de handt te rucken de onbehoorelycke boecxkens die men noemt S. Niclaes en S. Martens Giften. Soo nochtans dat Christelyck moet verstaen worden; het ghene naer het beginsel P. 3. gheseyt wordt, Van te beminnen als oftmen noch soude haeten, ende te haeten als oftmen noch sou beminnen. Te weten: is’t datmen iemant bemint met besonder ghemeysaemheyt, datmen dat doen sal met voorsichtigheyt, als die weet, dat hy kan vyant worden: ende is’t dat men iemant afsnyt van syn gemeynsaemheydt, datmen dat behoorelyck doen sal, ende als die weet dat hy noch kan vrient worden.
P. de ROECK P. in B. L. C.
Auteursrechtvrij