Archives ou correspondance inédite de la maison d'Orange-Nassau (première série). Tome I 1552-1565

[p. 211*]

Correspondance.
1552 - 1565.

[p. 1]

[1552]

Lettre I.
⁺Le Prince à la Princesse d'Orange. Départ pour l'armée.

Ma femme, ceste sera pour vous advertir comme je receu hier lettres de la Royne, les melieures que je pense qu'el at escripte toute sa vie à personne de que¹ quallité qu'il puis avoir esté, tant qu'el m'escript qu'el at eu gran contentement de ma diligence, me priant voloir tojours continuer, et au surplus qu'el mestoit tous les affairs à ma discrétion. Je prie le Créateur me voloir donner Sa grâce pour continuer en ceste bone réputation davantaige. Je part demain pour aller au camp et coucheray ung lieu près de Thongre, où je attendray cinq de mes enseignes, espérant que nostre Seigneur me donera Sa grâce de revenir en bonne santé et bone réputation, pour alors avoir melieur moien d'estre plus longtemps l'ung après² de l'aultre avec la mesme amité comme à la cou-

+ 1552. Juin.

1 quelque.

2 anprès.

[p. 2]

⁺stume. Ma feme, je vous prie voloir fair mes excuses devers madame nostre gran-mère et madame nostre mère que je ne les ay escript, que je ne lé faict pour aultre occasion que sçassant nulle novelles et pour le poin si tost fâcher de mes lettres, et que je faulderay pas de leur escripre incontinent sçachant quelque novelles, et quant à quant¹ vous prie voloir faire à toute la compaignie mes humbles recommandations, et leur fair si bonne chiere que puissiés retenir plus long temps la compaignie, affin que ne soiés si tost fâché d'estre seule comme vous estes.

A tant ma femme prieré² le Créateur vous voloir doner tous vous désirs, me recommandant de bien bon ceu³ à vostre bonne grâce. De [Thore], ce 10 de juing.

Vostre bien bon mari,

Guillaume de Nassau.

A Madame la Princesse d'Oranges.

+ 1552. Juin.

1 en même temps.

2 prierai.

3 coeur.