Archives ou correspondance inédite de la maison d'Orange-Nassau (première série). Tome I 1552-1565

Lettre IX.
Le Prince à la Princesse d'Orange. Retraite du Roi de France.

Ma femme, Nous sommes hier arrivé en ce lieu avecq tout nostre chevallerie et avecq mon régiment seul, pour regarder si nous puissimes fair quelque embus¹ au Roy de France, lequel n'estoit gers² long de nous aultres, et estoit de vers Terllon³ et Chimay; et avons esté tout ce mattin à cheval, pour attendre si il y eus eu accuns qui se eusent descarté, pour rué⁴ sur eus, mais à la fin avons entendu qu'i se retiroit et qu'il avoit faict démollier le dit Terllon et Chimmay, et est le bruit qu'i se veult retiré en son Royaulm. Je ne sçay si se veult reposer um peu avecq sé gens, tant de pié que de cheval, car entendons qu'i sont fort foullé et fort deshallé, tant pour le mauvé temps, comme pour le mauvé chemin, car il n'est croiable la paine qu'il ont de passer leur artillerie par chemin; et, en cas que cé novelles continute qu'i se veult retiré en son roiaulm, com il y at grande apparence, car il at déjà campé de ce jourdui en son Royaulm, et tout qui porrat

1 embûche, embuscade.

2 guères.

3 château entre Avesnes et Chimay.

4 ruer.

[p. 11]

⁺avenir, ne fauldre vous advertir le tout: et, touchant nous aultres, partirons demain pour aller retrouvé la gran trouppe, car ay de rechief amvoié mon régiment à Quennoy, pour garder qu'iln ne treuve déproveu¹, car il n'est pas ancore si long qu'i retourneroit, en cas qu'il sçeut qu'el fusse déprouveu. Je ne feray ceste plus longe, tant qu'il est près de douce heures et qu'il i at trois jours que n'avons ger² dormi et fauldera demain arrier³ estre debou au poin du jour..... Du camp de Dorle, le 15 de juillet, escripte à doux heures de nuit.

Vostre bien bon mari,

Guillaume de Nassau.

A Madame la Princesse d'Oranges.

+ 1552. Juillet.

1 dépeurvu.

2 guères.

3 de rechef.