Archives ou correspondance inédite de la maison d'Orange-Nassau (première série). Tome I 1552-1565

[p. 15]

[1553]

Lettre XII.
⁺Le Prince à la Princesse d'Orange. Ses appointements comme Général.

*_** ‘Combien que je n'eusseatteint encore l'àge de 21 ans (par conséquent en 1553) estant mesmes absent de la Cour, à sçavoir à Bueren, néanmoins le Duc de Savoye (Couverneur-Général des Pays-Bas) faisant un voyage, l'Empereur me choisit pour Général de l'Armée, combien que les Seigneurs du Conseil et la Royne mesme en présentassent plusieurs autres, desquels la capacité étoit très-grande, à sçavoir M.M. les Comtes de Bossu, de Lalaing, Martin van Rossem, vieux Chevaliers, et les Comtes d'Arenbergh, de Meghen, et d'Egmond qui estoit âgé de douze ans plus que moy: ce néanmoins, ores que je ne fusse nommé d'aucun (comme depuis ils respondirent à l'Empereur) à cause de ma jeunesse, si est-ce qu'il pleut à l'Empereur me choisir pour les raisons que lors il déclara, et... lesquelles j'ayme mieux taire que les exposer, pour ne sembler me vouloir moy-mesmes par trop haut louer et priser. J'avois en teste Monsieur de Nevers, et feu Monsieur de Chastillon, Admiral de France, qui a bien fait depuis cognoistre qu'il estoit une rude partie; ce néanmoins, Dieu mercy, n'emportèrent rien sur moy, ains j'édifiai à leur barbe Philippeville et Charlesmont, ores que la peste affligeat estrangement notre Armée.’ Apol., p. 388b.
‘Estant Lieutenant-Général de l'Armée, je n'ai receu pour tous gages que 300 Florins par mois, qui n'estait pas pour payer les serviteurs qui tendaient mes tentes....’ l.l. Il reçut donc encore moins qu'on ne lui avoit promis.

Ma femme, comme je suis maintenant sur mon partement, ne veulx lesser de vous advertir le traictement que l'Empereur m'a faict, touchant la cherge d'ester cappitaingénéral, et est que sa Ma^té me donne tout autant, comme il a faict au Prince d'Oranges, Duc d'Arscot, et Mons^r de Boussu; et est cinq cent florins par mois et douse halbar-

+ 1553. Juillet.

[p. 16]

⁺tiers¹, chaccung a deux paie, esse² toute le traictement que je auré: je vous prie vous voloir enquester, tant par ceulx de mon conseil, comme par les comptes, pour sçavoir si le Prince d'Oranges n'avoit point plus, et me le mander; et quant à ce que demandés sçavoir combien que je pens bien de despendre³ par mois, il me samble qui viendra bien à deux^m cinq^c florins et suis tant tenu à vous que volés prendre ceste paine de chercher l'argent qui me fauldera, espérant que le porré ung fois mériter vers vous de toute l'amitié que me portés..... De Brusselles, ce 23 de juillet.

Vostre bien bon mari,

Guillaume de Nassau.

A Madame la Princesse d'Oranges.

+ 1553. Juillet.

1 hallebardiers.

2 et c'est.

3 dépenser.