Archives ou correspondance inédite de la maison d'Orange-Nassau (première série). Tome I 1552-1565

Lettre XXIX.
Le Prince d'Orange à Auguste, Electeur de Saxe. Relative à son mariage.

Suivant vostre dernière lettre qu'il vous a pleu m'escripre, par laquelle me advertissiés entre aultre chose que, puisque le Lantgrave, sur la réquisition que luy avions faict tous deux touchant mon mariage, ne se avoit volu condescendre, que non obstant cela vous passeriés oultre et que me debvrois asseurer de vostre promesse, et que plus à plain vous me advertiriés, estant retourné de la journée des Princes; surquoy ay tousjours attendu, et ney¹ vous ay pas entandis² voulu importuner de mes let-

1 ne.

2 en attendant.

[p. 86]

⁺tres, mais jusques a maintenant n'ay receu nulles novelles. Despuis 5 ou 6 jours en çà, ay receu une lettre du Lantgrave⁽¹⁾, dont la copie vast si¹, par laquelle vous verrés que la mesme responce qu'il vous avoit mandé par vostre sécretair Hans Jénitz, il me la répète maintenant, et, combien que ne fais gran cas de ceste lettre, pour la bonne confidence que jé en vous, que suivant vostre bonne affection et promesse, vous passerés oultre du dit affaire, et que suis tousjours esté de ceste opinion que, où le Lantgrave eusse sceu empêcher le dit affaire, qu'il eusse faict, néanmoins tout cela, je n'ay volu délesser en vous advertir et l'eus faict incontinent, si n'eus esté que le messagier qui apportoit les lettres du dit Lantgrave, asseuroit qu'il y avoit ung messagier vostre parti devant luy pour² le même affaire, à ceste cause ne demandoit aulcune réponsse et partit incontinent.

+ 1561. Mars.

(1) Landgrave. Voyez la Lettre précédente.

1 ici.

2 pour - incontinent. Pas autographe.