Archives ou correspondance inédite de la maison d'Orange-Nassau (première série). Tome I 1552-1565

[p. 196]

Lettre LXVIII.
⁺Le Prince d'Orange au Comte Louis de Nassau. Affaires de finances; nouvelles.

Mon frère.... Je vous prie me mander si nous aurons l'argent en point, affin que, en cas de faulte, je puisse faire regarder en temps après quelque aultre moien pour satisfaire à ceulx à quinous debvons. - Quant aulx novelles, tous nous affaires sont bien près au mesme estat où ilx estiont quant vous partiés, et ne sorois dire si sont melieurs ou pires. Je suis toujours empêché pour faire mon estat, et peus bien dire, sicut erat in principio, et nunc, et semper, et in secula seculorum, et me samble que nous venons de race de ester un peu movés¹ ménaigiers en nostre jeun temps; mais, quant nous serons vieu, serommes mellieur, comme feu Monsieur nostre père: la plus grande difficulté est, comme à la coustume, pour les faulconiers, lesquels j'ay réduit touttefois, qu'i ne me couttent que xii cens florins, et semble, si se point fusse gaingé², que je serois hors touttes debtes, mais j'espèr, puis qu'il ne reste que à xv cens florins par an, que serons bien tost délivré des debtes; à vostre venu en parlerons plus amplement. Quant aulx novelles de France, l'Admiral et Monsieur d'Andelot gouvernent le tout, après le Conestable et le Prince de Condé. Les Englès et nous avons um peu quelque picque⁽¹⁾; Dieu pardoin à ceulx qui en sont cause. Quant à Orange, jé toulejours de noveau ambassadeurs et suis bien empêché à y donner bon remède, car l'inimittié entre eulx

+ 1564. Janvier.

1 manvais.

2 gagné.

(1) picque; relativement à des affaires de commerce. Voyez les Lettres 88 et 104, in f.

[p. 197]

aant.⁺est si grant que l'on ne sçait trouvé moien pour les appoincter, et de aultre costé le Roy de France se plaint d'eux et d'aultre part le Pape; je vous lésse penser comme je suis.... Je vauldrois que fuissiés issi pour me un peu soulaiger, mais le melieur est que j'ay toujours si bonne compaignie qui me donne quelque soulagement, comme au jeu de paulme et aller voler¹, où je me vois encore à cest instant par le plus beau temps du monde, et espér bien de prendre le héron au mieulx.... De Bréda, ce xv de janvier A. 1564.

Vostre bien bon frère à vous faire service,

Guillaume de Nassau.

A Monsieur le Conte Louis de Nassau, mon bon frère.

Le 21 janvier Granvelle écrit au Roi: ‘....No estuvieron aquellos sen̅ores con la compania que escrivi à v.M. en Envers mas de dos dias, y se fue el Principe à Bréda, y Aigmont bolvio aqui, ny hé entendido que alli se negociasse cosa alguna sino de hazer buena chera, no sé si con Strale⁽¹⁾ havria hablado alguno à parte... Torno à dezir que fuera muy bien haver correspondido al dicho S^r d'Aigmont differentemente que alos otros, tractandole con todo amor, porque, como siempre hé escripto, yo creo que su intencion es muy buena y que tiene muy buenas entran̅as, mas llevan le engan̅ado....’ († MS. B. Gr. x. p. 14).

+ 1564. Janvier.

1 Terme de chasse: voler le héron.

(1) Strale: T. III. p 113.