Archives ou correspondance inédite de la maison d'Orange-Nassau (première série). Tome I 1552-1565

[p. 225]

Lettre LXXX.
⁺Le Prince d'Orange an Landgrave Guillaume de Hesse. Réponse à la lettre 73.

Monseigneur..... J'ay trouvé certes fort estrange que le Roy de Zweden, aiant faict traicter le mariage de madame vostre seur si avant et avoir de rechief ranvoié ses deputés pour le concluire de tout, ay esté si desproven de sens et d'antendement d'avoir escrite une telle lettre comme celle qu'il escrit à la Reyne de Angleterre, et certes ce at esté une grande grâce de Dieu qu'el soit venu entre les mains de vostre Excellence: aultrement la bonne princesse eusse esté en hasart de recepvoir quelque honte et fâcherie, et véant que l'intention du Roy de Zwede est entièrement découvert, me semble que la responce que M. vostre père et v. Exc. ont donné aulx députés du dit Roy, redunderat pas seulement à l'honneur et réputation de la maison de v. Exc., mès grandement au vituper¹ et deshonneur du dit Roy, et se peult asseurer v. Exc. que déjà plusieurs qui estiont raisonablement affectionné au Roy de Zweden, aiant entendu sa légierté en ce faict, ont entièrement alliéné leurs affections, donant grande loange et honeur à v. Exc. et M. son père, pour avoir traicté ce dit mariage si discrètement, et que, combien que le Roy de Zweden l'at volu faire par dissimulation, que néamoings le tout est sorti² à vostre réputation; parquoy v. Exc. peult estre à son repos et se asseurer que de ma part, comme le plus affectioné serviteur que icelle at, tiendray la main envers tous où il appartiendrat, que

+ 1564. Mars.

1 honte (vituperium).

2 Belgicisme: uitgekomen.

[p. 226]

⁺le tout serat entendu à l'honneur, réputation de M. vostre père, et la vostre, et à grande déréputation et liegierté du Roy de Zweden. - Quand à l'affaire qui touche le Cardinal de Granvelle et nous, dont avions faict quelque escripte et remonstrance à sa Ma^t passé quelque temps, comme je en ay adverty v. Exc., tant par lettres comme par mon frère le Conte Lodwick, le Roy nous en a donné quelque responce passé quelque jour, et est sa ditte responce fort courte, car ne faict nulle mention des particularités; seulement mande à M^r le Conte d'Egmont et M^r le Conte de Horne et à moy que son voloir est que rentrissions incontinent au Conseil, délaissant toutte particularité, dont nous nous trouvions bien empêché se que aurions à faire, car estions résolu (comme l'avions aussi mandé au Roy) ne entrer au dit Conseil, tant que le Cardinal y seroit et, estant en ceste empêchement pour sçavoir ce que aurions affaire, le Cardinal fit publier son partement vers Bourgoigne, et de faict partit cinq ou six jours après, que fust lexiii du présent. Le dit Cardinal fait courrir le bruit que serat seulement pour deux mois, mais aultres le tienent qu'il ne retournerat légèrement. Si tost qu'il fust parti, la Duchesse de Parme, nostre Gouvernante, nous requéroit incontinent, comme elle avoit déjà faict avant, que volussions rentrer au Conseil, et nous luy avons accordé, à condition toutefois que en cas que le Cardinal retourne, que en sortirions incontinent. Je ne sçay que discourrir sur ce subit partement, si non attendre ce que le temps nous aprenderat; une chose me samble, que debvons toujours estre sur nostre garde et ne nous lésser tromper, car peut-ester par ce bon semblant l'on nous veult endormir, pour après avoir melieur moien de exécuter leurs des-

+ 1564. Mars.

[p. 227]

⁺seings: touttefois il me samble que en peu de temps nous verrons ce qui est leur desseings, dont ne fauldray advervir incontinent v. Exc.; à la rest tout choses sont issi fort paisible et tout le monde bien aise du partement de ce bon Cardinal. Les François et Englès ne sont pas encores d'accort, mais il espèrent en brief faire quelque appointement. Le Roy de France avecque le Royne-mère sont parti passé vii jours, pour aller à Bar le Duc lever l'envant de la duchesse de Loraine, bien contre le gré du conestable, Prince de Condé et M^r l'admiral, et de plusieurs aultres qui tienent leur parti, car il crainent que le Cardinal de Loraine et les aultres du parti de M^r de Guise ne traffiquent quelque chose avec le Roy de France et la Reyne sa mère: l'on m'escrit aussi de France que le conestable at esté fort malade et qu'il est maintenant fort débil, de sorte que l'on doubte qu'il ne le ferat fort longue, ce qui porroit bien faire quelque garbouille, pour autant que scaccung chercherat moien pour parvenir à sa cherge.¹ 25 Martij.

Au Landgrave Guillaume de Hesse.

+ 1564. Mars.

1 La date n'est pas autographe.