Archives ou correspondance inédite de la maison d'Orange-Nassau (première série). Tome I 1552-1565

[p. 242]

Lettre LXXXIII^c.
⁺Viglius au Cardinal de Granvelle. Il déconseille son retour (MS. B. GR. XI).

....Nos Seigneurs ne faillent point se trouver à tous Consaulx d'Estat et quasi tous les matins se réprésenter en Court vers son Alt. et luy parler des affaires, lesquelz, selon qu'on faict croire aux gens, sont esté cy-devant négligez et mal entretenuz par ceulx qui se sont voulsu attribuer la superintendence. Je n'ose escrire ce qu'on dit du retour de v.i.S.; aussi n'osé-je bien m'avancher de parler sur ce avec son Alt.; s'aidjoint que icelle ne cèle riens à Armenteros, qui est de tout à la dévotion des Seigneurs. V.i.S., qui le cognoist mieulx, peult sçavoir combien elle se fie en luy, et si elle se y est bien trouvé. De moy je m'aperçois bien que, par sa bonne recommandation et de quelques aultres de la mesme complexion, je auray bien à faire de me maintenir longuement en la bonne grâce de son Alt., et puis queles choses vont ainsi, je me souaide¹ mille fois en ma maison, soit à Gand ou en Frize, ou avec v.i.S. en Bourgogne; mesmes si je doibs demourer privé du sustien et faveur de v.i.S. Mais affin que icelle pust mieulx entendre en son endroict à quoy s'incline l'affection de son Exc envers v.S., mesmes quant à son retour, je ne trouverois mauvais que v.i.S., avant se résoldre sur son retour, luy demanda sur icelluy son advis. Car, quant ne debvriez estre respecté ne porté par elle, ains qu'on voulsist laisser exécuter les propos que aulcuns tiegnent, je ne sçay vous conseiller que v.i.S.

+ 1564. Mai.

1 souhaite.

[p. 243]

⁺hastoit trop son retour par deçà, ains qu'elle attendist plustost la venue de sa M. Combien que je craindz qu'icelle ne se laisse persuader que par vostre retraicte les affaires de pardeçà, depuis qu'ilz se manient par l'accord de ces S^rs et vont au contentement de son Alt., ne requièrent pas tant sa venue, et peult-estre sa M. sera bien aise de prendre cé couleur pour différer sa venue par deçà; mais s'il conviendra à son service, je me remectz aux plus saiges, et où je le pourrois entendre, je retournerois à rafreschir vers sa M. ma poursuyte pour obtenir mon congé: du moins devant que aultres me faschent cet advanchement, selon que aulcuns parlent de déchasser tous qui sont Cardinalistes, entre lesquelz le Conseiller Hoppérus aura aussi à souffrir.... Brux., 1 mai.

+ 1564. Mai.