Archives ou correspondance inédite de la maison d'Orange-Nassau (première série). Tome I 1552-1565

Lettre XC^a.
Viglius au Cardinal. La religion périclite (MS. B. GR. XIII. p. 319).

...Je crainds bien pis pour l'advenir pour la généralité, par les propos qu'on tient trop librement partout, les ungs pour modérer les placcards, les aultres pour laisser les consciences libres et du moings les laisser vivre comme font les Chrestiens soubz le Turcq, qui ne fait si griefve

[p. 287]

⁺persécution contre nulz d'aultre loy, comme nous faisons contre ceulx qui sont de la nostre, pour quelques différentes intelligences de l'Escripture; et la chose va si avant que peu d'officiers facent plus leur debvoir, et encoirres moings ceulx des loix et juges, pour les scrupules qu'i font d'ensuyr les placcards contre leurs consciences; et ceste cause seulle me samble bien estre une des plus urgentes pour laquelle sa M. debvroit bien haster sa venue, si vult relligionem catholicam invenire salvam; le mal est que nulluy¹ ose s'avancher à advertir sa M.; car, encoires que nous nous taisons, il fault ouyr qu'on faict entendre à sa M. que tout est perdu, qu'ilz sont tous hérétiques, qu'on ne cherce que les mal imprimer par-delà. Je fais mon mieulx de sustenir ce que je puis, aussi faict le Conseiller Hoppérus; mais la chose va si avant que nous aurons assés à faire à sustenir nous-mesmes.... Bruxelles, 20 août.

+ 1564. Aoùt.

1 personne.