Archives ou correspondance inédite de la maison d'Orange-Nassau (première série). Tome III 1567-1572

† Lettre CCCIX.
G. de Barchon au Seigneur Ciclis⁽¹⁾. Nouvelles diverses

Seigneur Ciclis, mon bien bon amy, après mes affectueuses recommandations ceste servira pour advertir, comme par le commandement de Mons^r de Hoochstraeten j'ay retenu vingt ou vingt quatre soldatz pour faire quelque entreprinse, laquelle je vous veulx bien advertir à cette fin que son Excell^ce ne le prende de mauvaise part d'avoir retenu si longement les soldatz à grans despens. C'estoyt que j'ay tousjours espéré et encoires espère de prendre ou trousser ung Ambassadeur du Duc d'Alve envoié envers le Duc de Clèves à Bensbourch⁽²⁾ et le mener en lieu seur, appellé ou nommé Taxys, frère du maistre des postes de Bruxelles. J'estoys sur mon partement de Fryse: Mons^r de Hoochstraeten m'a faict demeurer près

(1) Bachon. - Ciclis. Noms supposés.

(2) Bensbourgh. Près de Dusseldorf.

[p. 226]

⁺de luy jusques au retour de son Excell_ce: ne scays scavoir les occasions, dont suis bien marry. Car les nouvelles sont icy que Mons^r le Conte prospère et a force bon rencontre, comme bien povez scavoir, jusques avoir deffaict dix enseignes Espaignolz, quatre Allemande, et quatre nouvellement levez, et a prins douze à seize pieches d'artillerie. Les Espaignolz demandont miséricorde, nous gens donnant force coups d'espée sans miséricorde, cryant Dalem Dalem⁽¹⁾, ont tous tué; les Allemans sont esté prins à mercy. Le Duc d'Alve faict marcher les Espaignolz de Gand et aultre garnison tous envers Frize. Je vouldrois avoir moyen, je feroy aussi marcher sept ou huyct cens harquebusiers Walons envers là, lesquelz se présentent journellement; car Mons^r le Conte a perdu a ceste deffaicte xvi^c hommes comme l'on dist: Mons^r de Hoochstraeten vouldroyt bien retenir deux mille chevaulx du Duc de Saxe⁽²⁾, lesquelz sont icy prez de Couloingne, et se présentent pour le service de son Excell^ce, leur donnant demy mois sur la main et servir quatre mois, mais argent nous deffault. Je vous prie, si vous scavez quelques bonnes nouvelles, nous en advertir; car nous sommes languissant. Je vous prie de tenir la main que je soye remboursé de ce que j'ay donné aux soldatz, comme Pierre Cousin vous dira et vous me ferez grand plaisir. Car nostre hoste du Chien rouge m'a faict payer tout ce que a esté dépendu¹ depuis que j'ay entré en son logis,

+ 1568. Mai.

(1) Dalem. Voyez p. 211.

(2) Saxe. Voyez n^o 305^a. Peut-être aussi s'agit-il des troupes de Jean-Guillaume, Duc de Saxe, dispońibles par la paix de Longjumeau.

1 dépense

[p. 227]

⁺disant qu'il ne veult affaire à aultre que à moy et à Jennyn⁽¹⁾, s'yl estoit icy; car personne n'a payé de tous ceulx qui ont esté en nostre compaignie, et en suis à cent Dallers quatre moins, dont m'a fallu payer devant sortir, combien une grande partie sera sur mon compte. Je vous prie tenir en mémoire ceulx qui ont faict la despence; car c'est raison que ceulx qui ont faict la despence, payent leur part. Je suis pour le présent logé sur nostre Jehan. Je vous prie faire mes recommandations à Mons^r le Maitre et a Mons^r de Diry, espérant qu'il aura mémoire de ce que luy ay mandé, priant le Créateur vous donner ce que bien Luy scaurez demander. Dc Couloingne, ce dernier de May.

Le tout vostre bien bon amy,

Guillaume de Barchon.

Au S^r Ciclis [epaerde] mon bien bon amy à Dillenbourch.

+ 1568. Mai.

(1) Jennyn. Probablement le capitaine Jeannin, François très connu dans la guerre des Pays-Bas: voyez p. 228, 231.