Archives ou correspondance inédite de la maison d'Orange-Nassau (première série). Tome III 1567-1572

Lettre CCCXVII.
G. Martini au Comte Louis de Nassau.

*_** Apparemment G. Martini, en 1584 Greffier de la ville d'Anvers et honoré de la confiance du Prince.

Monseigneur!

Estant arrivé en ceste ville de Franckfort, passez quelques jours, je n'ay rien tant desiré que la commodité de représenter mon petit service à vostre grâce et me recorder en toute humilité en la bonne souvenance d'icelle. En ayant à la fin trouvé l'oppourtunité par Monsr. le docteur Glanbergen, je n'ay voulu faillir de supplier vostre grâce par cestes qu'il la plaise croyre, tant au regard de l'affection extrême dont tousjours je suis advoué au service du très illustre mémoire, Monseigneur le Prince, et à toute la maison, que pour les parties vertueuses que j'ay remarqué et déportemens de V.G. durant qu'icelle fust en la ville d'Anvers: et qu'il la pleust d'user deses faveurs en mon endroict et m'impartir de sa bénignité, qu'il ne me pourroyt arriver chose plus à gré que de recepvoir les commandemens de V.G., ce qu'elle trouverat de faict quand il la plairat en prendre la preuve, et que je y suis disposé comme un humble, très affectioné et obéissant serviteur sien. Si j'eusse trouvé la commodité de quelques un de la maison de V.G. et que j'eusse pensé que cela luy

[p. 267]

⁺fust esté aggréable, je me fusse mis en chemin pour Paller trouver pour un jour ou deux et baiser les mains d'icelle, et l'esclarcir, le mieux que j'eusse peu, des affaires passées de pardelà et ce dont elle me vouldroict demander. D'aultant que Mess^rs de ceste ville de Franckfort ont résolus de ne recepvoir aucun de nostre ville, mesmes qui sont estez en quelque entremise⁽¹⁾; ils ne m'ont consentys plus longe terme que jusques à la foyre, quand je me résouldray vers celle part qu'il plairat à bon Dieu m'inspirer et conduyre par Sa grâce en laquelle je supplie, Monseigneur, de vous maintenir et accroystre en vertu et grandeur la maison de vostre grâce. De Franckfort, ce 17 de juillet 1568.

De vostre grâce du tout humble et obéissant serviteur,

Guillaume Martiny.

A Monseigneur, Monseigneur le Comte de Nassauw.

+ 1568. Juillet.

(1) entremise. Triste exemple de pusillanimité et d'égoisme. Probablement Messieurs de Francfort craignoient, par dessus tout, ce qui pouvoit être préjudiciable à leur commerce.