Archives ou correspondance inédite de la maison d'Orange-Nassau (première série). Tome IV 1572-1574

* Lettre CDXXXVIII.
Le Prince d'Orange au Seigneur de Lumbres. Négociations de France.

Monsieur de Lumbres. Depuis vostre retour en Allemaingne j'ay receu diverses de vos lettres, et, tant par icelles que par le rapport du Docteur Tayart⁽¹⁾, entendu vostre besoingne, vous remerchyant de bonne affection de la paine qu'avez si voluntairement prins à faire ce voyaige. Je suis bien désireux de veoir quel succès le faict prendra, m'asseurant qu'a l'advanchement d'icelluy vous n'espargnerez soing ou dilligence quelconque. Quant aux blans signetz que vous demandez de moy, mon frère en at encores quelques ungs pour s'en ayder au besoing, et pour estre présentement les chemins si mal asseurez, et que c'est chose de grande conséquence, ainsi

(1) Tayart. Voyez p. 119.

[p. 193]

⁺que vous pouvez bien considèrer, de mettre en hazard les dit blans signets, cela me garde de ne vous en envoyer de si loing. Je seray bien ayse d'avoir quelques fois de vos nouvelles, ensemble si ceulx que vous scavez continuent tousjours en la volunté que vos lettres chantent; et n'estant ceste à aultre effect, je la finiray, priant Dieu vous octroyer, Monsieur de Lumbres, en bonne sancté, heureuse et longue vie. Escript à Dordrecht, ce 12^˼ә jour de septembre l'an 1573.

Vostre¹ bien bon amy à vostre commandement,

Guillaume de Nassau.

A Monsieur, Monsieur de Lumbres, mon bien bon amy, à Coulogne.

+ 1573. Septembre.

1 Vostre - commandement. Autographe.