Lettre CDLXIX.
Ga naar margenoot+Le Seigneur de Lumbres au Comte Louis de Nassau. Nouvelles diverses.
Monseigneur!
....Des novelles elles ne sont aultres sinon que ceulx de Middelbourg sont en grande extrémité. Monsieur le Prince est encore en Zellande, en délibération de n'en partir point qu'il n'aye une fin de ceste guerre là. Ceulx de Hollande ont inondé tout le plat pays de Delflant, tellement que la guerre s'y faist maintenant en petites barques, comme sur une mer. Collongne, du 12 janvier 1574.
Vostre bien humble et très-affectionné serviteur,
Guislain de Fyennes.
On m'escrit d'Anvers que le nouveau Gouverneur faict lever des gens de pied et de cheval en Allemaigne. Le Duc d'Alve est aux environs de Lorraine, accompagné de quatre cent chevaux et d'aultant de harquebouziers: mais le bruict est en cette ville qu'il est de retour à Namur, après avoir heu son bagage vollé. Je vous supplie très humblement me mander si les affaires pour lesquelles vous avés faict tant de voyages, se portent bien, affin de m'en pouvoir réjouir avec vostre bien revenue.
Auteursrechtvrij