Archives ou correspondance inédite de la maison d'Orange-Nassau (première série). Tome IV 1572-1574

Lettre CDLXXIII.
W. van Breyll aux Comtes Jean et Louis de Nassau. Relative au projet de surprendre Maestricht.

Messeigneurs. Je n'ay pas voulu faillir de m'en aller, quant et quant avec Mons^r de Lumbres, à Aix, pour faire tout ce qu'il seroit possible à l'avancement du dict affaire. La personne qui par V.S. a esté nommé à Monsieur de Lumbres, n'a esté recouvrable. J'ay parlé au bouwmeister, quil nous à dict comment il y a brêche faicte à la ville de par deçà, laquelle l'on peult aprocher. Au reste, s'il plaist à V.S. de mettre quelque nombre des soldats dedans la ville, l'on y trouvera moyen. La guarde de ceulx du pont n'est plus fort que de dix personnes de deux coustez; en oultre Mons^r de Lumbres et moy ne faillerons d'en faire toute diligence; et ainsi que V.S. m'a dict que la chose est hastée, me semble estre nécessaire que V.S. vienne jusques à Coloingne secrètement, où le bouwmeister viendra et vous en comptera³ du tout, car le chemin est ung peu long jusques à Sieghen, et l'on

3 contera.

[p. 333]

⁺perde trop de temps. A Herle ny à Valkenbourch il n'a point de guarde.

J'ay parlé avec Rutgher van Ketwich, lequel a mille harckquebuse prestes; V.S. les peult avoir. Vincent Ghyr en a aussy quelques unes. A Aix il y a cinq cent.

Messeigneurs, il est nécessaire que V.S. se hastent, à beaucoup d'occasions que je ne puis escrire, vous priant très humblement de ne trouver movailx de ce que j'en escrys si librement.

Le Commandeur de de Bernssem viendra à Aix d'icy à 4 jours comme il m'a mandé. J'ay dépêché celuy du Duc de Bouillon, selon que m'avez enchargé. Sera l'endroict où baiseray les mains humblement à V.S., comme celuy qui est prest à vous faire service; prieray Dieu vous donner, Messeigneurs, accomplissement de vos désirs en très heureuse, longue vie, soyez recommandez. Datum [Trypss] ce 4 jour de fébvrier l'an 74.

Vostre très humble et très obéissant à vous faire service,

Winandt van Breyll.

A Messeigneurs,
Messeigneurs Jéhan et Louys, Contes de Nassauw, Catzenelboghen, Vianden, Dietz etc.

+ 1574. Février.